Ndjolo ingosila lofu omotshi?

BIBLE ANTE

“Ndjambi . . . angodjuwola wisodji ankfumo ma wiso w’iwoko, ko nyoyi, ndjolo, yɛndjɛ, djtshoyi ipangoyala kankina.”​—Ndjiso 21:3, 4, Contemporary English.

ELEKO DJOYI DJE WƆLƆ EFULA LE WE

Djoyi gkoso dtɛnyɛ pololo ente epako Ndjambi nde onatoyakalaka ekakatano.​—Djakɔbɔ 1:13.

Otema okeketala lá ndjoka ente Ndjambi okake bale djɔɔ nde tɛna ndjolo.​—Zakari 2:8.

Etotoma dj’iso nkonga ente ndjolo inkfumo ingosila.—Yeembo 37:9-11.

TAWOLE BIBLE SOLO?

Ɛɛ, lá ndenda kondo akambo ape:

• Ndjambi apakopaka nyɛna anto lá ndjolo la lá yɛngɛyɛ. Kokanela wopo one Yehova Ndjambi nyokaká laye yokesolaká anto we nd’eko la losele lá mfu ye ntondo. Bible ante Ndjambi ayalaka la bale olando lá nyɛna “anto wanaakesolaki.”​—Tosushi 2:18, Traduction du monde nouveau.

  Ndjambi apakopaka anto wananghelaka winawo akambo we losele. Kolenda, Bible ante “ɛwɔ enakɛdjɛ ekila w’anto anapako la djoyi” weleko owe efula le Ndjambi.​—Woongo 6:16, 17.

• Ndjambi atokanelake onto l’onto. Epako ngo ‘onto l’onto onewa mpota k’otema we nd’eko la ndjolo ye nd’eko;’ ole Yehova koko ewa!​—2 Ɛkɔndɔ 6:29, 30.

  Lako ila, Onkfumi we Yehova wosiye ndjolo y’onto l’onto. (Mateo 6:9, 10) Lá ntondo ke Onkfumi oko ndjɛ, Ndjambi akitshe awale w’anto anowona l’otema omo.​—Elemo 17:27; 2 Kɔrɛntɔ 1:3, 4.