Kɛkɔnge kɛ Yeso ndananghe winá wɔ ndayalaka lanɛ lá looko?

Anto efula ndɔsaka Yeso etengo wɔna wɔ daambi wopalekɔ l’onseedji, etengo ɔprɔfɛtɛ ɔmɔtshi wɔ yimba kana etengo mpame kɛmɔtshi kesuwa la nyɔyi. Iso nkoka ndjewa akambo efula walendana lande má nshishima lowiko lɔnde lɔ lanɛ lá looko? Lá wekelo wɔnɛ, tɔngɛna akambo amɔtshi waleka djonyi wa Yeso ndananghe edjinge wopo w’okokawɔ nkokotshɛ́.

1. Olemo wɔkɔnge wolekisá djonyi le Yeso?

Olemo wolekisá djonyi le Yeso nde ‘ndjewoyɛ losango lɔ wɔlɔ l’Onkfumi wɔ Ndjambe.’ (Wala Luka 4:43.) Nde apoposanyɛki losango lɔ wɔlɔ l’ente Ndjambe angila onkfumi kana lowandji, longimɛ akambo ankfumɔ wɛnyɛ anto ndjolo.a L’ilá k’ɛnɔnyi esato l’etenyi, Yeso apoposanyɛka losango l’okembɛ lɔsɔ l’entete k’enkfumɔ.—Mateo 9:35.

2. Ansese wa Yeso ndananghaka yɛnyɛka nge?

Bible ntepelaka ‘ansese, akambo wa nkfulu, akambo wa nkamɔ la tolembetelo tɔ Ndjambe ndananghe má lotshimbo [lɔ Yeso].’ (Elemo 2:22) Má nkfulu kɛ Ndjambe, Yeso ayalaka l’akoka wa mvumbɛ mpoyi yɛ nkekete, ndesɛ miliyɔ y’anto, nsadjɛ ase elando edjinge kaanga nkfundola edjo. (Mateo 8:23-27; 14:15-21; Marko 6:56; Luka 7:11-17) Ansese wa Yeso ndananghe wɛnyɛka papoo ente ndatomamá nde me Ndjambe. Wɛnyɛka lonkina ente Yehova alekɔ la nkfulu kɛ nshiyɛ ekakasano wɛso enkfumɔ.

3. Olakanyelo wɔkɔnge w’okokaso mba má wopo wɔ lowiko lowikisá Yeso?

Yeso alɛmɛyɛki Yehova l’akambo ankfumɔ. (Wala Djɔanɛ 8:29.) Kaanga l’anteyi k’onanyelo, Yeso ananghaka la nkɔmano nkfumɔ akambo ankfumɔ w’ɔlɔmbisá Isɛkɛnde djɛ nangha. Nde ɛnyɛka ante anto nkoka nkambela Ndjambe, kaanga l’anteyi k’ekakasano. Djɛkondeke, Yeso ‘atotshikelaka ndjɔmbɔmba k’iso ndookilika wɔlɔwɔlɔ lá wina wande.’—1 Pɛtɛlɔ 2:21.

5. Yeso alakanyɛka anto akambo wa nsɔsɔlɔ wa djonyi

Má djiko djɛ nde mpoposanyɛ losango lɔ wɔlɔ lolendaná l’Onkfumi wɔ Ndjambe, Yeso alakanyɛka anto akambo wa djonyi. Tokolenda ndjɔmbɔmba imangha toko yemá nyangho Djamba djɛnde djɛ l’onkókó. Wala Mateo 6:14, 34 edjinge 7:12, ko kadjimola lá weepó wɛnɛ:

• Alako wakɔnge wa djonyi Yeso ndapɛyɛ l’avɛrse wanɛ?

• Okanelɛ ente mo, alako wasɔ walekɔ djonyi tii lɔɔko kɛnɛ?

6. Yeso ananghaka ansese

Yehova apɛyɛka Yeso nkfulu kɛ nangha ansese efula. Djɛ nyɛna ndjɔmbɔmba kɛmɔtshi, wala Marko 5:25-34 kana lenda VIDEO. Ko masɔ kadjimola lá weepó wɛwɔlamá.

VIDEO: Yeso ambosadjɛ omoto ɔmɔtshi (5:10)

• Lá video djɛnɛ, kɛkɔnge k’awolisá omoto woyalaki l’olando?

• Kɛkɔnge kekokamoyɛ lá nsese djɛnɛ?

Wala Djɔanɛ 5:36, ko kadjimola lá woopó wɔnɛ:

• Ansese wa Yeso ndananghe ‘okoshikikɛwɔ’ kana ɔkɛnyɛwɔ nge lá nkambo djɛnde?

LÁ YOPASƐ

Yeso apoposanyɛka akambo walendana l’Onkfumi wɔ Ndjambe, ananghaka ansese edjinge alɛmɛyɛka Yehova lá akambo ankfumɔ.

Mvungo

• Olemo wɔkɔnge wolekisá djonyi Yeso ndakambaka winá wɔ ndayalaka lanɛ lá looko?

• Ansese wa Yeso ɛnyɛwɔ nge?

• Elakanyelo wɛkɔnge wɛ djonyi Yeso ndalakanyɛ?

TOKANYI TONKINA

Nkambo djɛkɔnge djɛ Yeso ndaleke ntepela lá elakanyelo wɛnde?

“Kɛnɛ kɛ Onkfumi wɔ Ndjame osakisolawɔ le Yeso” (Etange k’Olami, Ngɔndɔ kɛ djomi 1, 2014 lá Falase)

Lenda donga djɛnyɛ ente ansese wa Yeso wananghemaka nsɔsɔlɔ.

“Kɛkɔnge kekolakanyɛ ansese wa Yeso?” (Etange k’Olami, Ngɔndɔ k’esambele 15, 2004)

Lenda wopo wɔ ndjɔmbɔmba kɛ Yeso kɛ ndasambɛ yayale l’eposelo wɛ wɔlɔ le mpame kɛmɔtshi.

“Mahonaka ngo wɛlɔ wɛmi” (Etange k’Olami, Ngɔndɔ kɛ djomi 1, 2014 lá Otetela)

Lenda listɛ l’akambo waleka djonyi wa Yeso ndanaghe wambɔlɔnghama la wopo wɔ ndaananghaka.

“Akambo wa nkekete wahetisá lá lowiko lɔ Yeso lanɛ lá looko” (Bible—ekadimwelo k’andja w’oyoyo, Apandisɛ A7)