WEKELO 30
Wako wa ngandji wavwisá nkoka ndowika lonkina!
Nyɔyi mpɛyɛka yɛnyi edjinge okiyano efula. Djɛkondeke Bible etande nyɔyi ante ontonyi. (1 Kɔrɛtɔ 15:26) Lá Wekelo 27, tɛnaka ente Yehova angodjipisanyɛ ontonyi wɔsɔ. Ko kɛkɔnge kengokomela anto wamboshiyɛka mvɔ? Lá wekelo wɔnɛ, tongeka wayi efula walendana la daka nkina djɛ Yehova djɛ wɔlɔ lombombe: Nde angokfundola miliyara y’anto dj’iwɔ ndosasanga la lowiko lotshinda lotshinda! Nkambo djɛsɔ nghonanghema nsɔsɔlɔ? Yongokfundɔ nde djɛ ntowika l’olongo ndo koko lá looko?
1. Kɛkɔnge kɛ Yehova ɔkɔpande nanghela anto waso wa ngandji wambovɔ?
Yehova oka oloko lukuluku djɛ nkfundola waambovɔ. Djɔbɔ, mpame kɛmɔtshi keyalaki la djawo ayalaka l’eshikikelo ante Ndjambe apangoovungɛ winá wɔ ndongovɔ. Nde ashimelaka Ndjambe ante: ‘Wɛ ongeta, ko lemi langokokadjimola [má nketa].’—Wala Djɔbɔ 14:13-15.
2. Wopo wɔkɔnge w’ewaso ente anto wambovɔ́ nkoka nkfundɔ?
Winá wɔ Yeso ndayalaka lanɛ lá looko, Ndjambe ɔpɛyɛka nkfulu kɛ nkfundola anto. Yeso akfundolaka wɔna omoto woyalaki l’ɛnɔnyi 12 edjinge wɔna mpame wɔ wadj’odjo ɔmɔtshi. (Marko 5:41, 42; Luka 7:12-15) M’ɔkɔngɔ, ilongo yɛ Yeso Lazaro avɔka. Kaanga Lazaro ndavu la ndananghe lá nketa etsho ɛnɛyi, Yeso okfundolaka. M’ɔkɔngɔ wɔ nde ndɔmba Ndjambe, Yeso awelelaka la djoyi djɛ wolo ante: “Lazaro, posa!” Ko ‘mpame kevwisá kɛsɔ aposaka’ má nketa la lowiko! (Djɔanɛ 11:43, 44) Kokanela osasa woyalisá l’ase nkfumbo edjinge tolongo tɔ Lazaro!
3. Nkongi djɛkɔnge djelekɔ́ lawɛ lá nkambo djɛ anto wako wa ngandji wambovɔ?
Bible ndakaka ante: ‘Ekfundwelo . . . kengoyala.’ (Elemo 24:15) Anto wa Yeso ndakfundolá watatshɔ́ t’olongo. (Djɔanɛ 3:13) Iwɔ wayalaka l’osasa wɔ nkfundɔ lanɛ lá looko. Wopo wɔk’ɔmɔ ndeke, lako ilá Yeso okfundola miliyara y’anto dj’iwɔ ndosasanga la lowiko lotshinda lotshinda lanɛ lá paradiso kelá looko. Nde atepelaka ante ‘waalekɔ́ lá anketa yevungɔmá,’ ayale kaanga anto wɛnama etengo wambovungamaká koko walekɔ lá yimba yɛ Ndjambe, wangokfundɔ.—Djɔanɛ 5:28, 29.
TSHIMOLA
Shishima tolembetelo timá Bible tɛnyɛ djɛ waambovɔ nkoka nkfundɔ edjinge wangokfundɔ. Eka wopo wɔ ekfundwelo okokawɔ nkokembɛ la nkɔpɛyɛ nkongi.
4. Yeso ɛnyɛka djɛ nde nkoka nkfundola edjo
Eka wayi ankina walenana la akambo wa Yeso ndananghela ilongo yɛnde Lazaro. Wala Djɔanɛ 11:14, 38-44, ko kadjimola lá weepó wɛnɛ:
Wopo wɔkɔnge w’ewaso ente Lazaro ankfundɔka nsɔsɔlɔ?—Lenda vɛrse 39.
Ntsha Lazaro ahandaka t’olongo, okanelɛ mo, Yeso atakoka ndookfundola djɛ nde ndowika lanɛ lá looko?
5. Anto efula wangokfundɔ!
Wala Yeembo 37:29, ko kadjimola lá woopó wɔnɛ:
Miliyara y’anto yengokfundɔ, yongotowika lampe?
Yeso angokfundola anto ankina efula ape ngo waatɛmɔlaki Yehova toko. Wala Elemo 24:15, ko kadjimola lá woopó wɔnɛ:
Onto wɔkɔna wokombolɛ nyɛna ambokfundɔ?
Kokanela nkambo djɛnɛ: Yeso alekɔ l’akoka wa nkfundola onto ipa l’okakasano etengo papa okokande mbetshola wɔnande m’ilɔ
6. Ekfundwelo nkoka nkokembɛ edjinge nkɔpɛyɛ nkongi
Ɔkɔndɔ welá Bible wolendana la wɔna Jayiro wɔ omoto wombokembɛ la wombosuka anto efula wambovusɛ. Wala ɔkɔndɔ wɔ nsɔsɔlɔ wɔsɔ lá Luka 8:40-42, 49-56.
Lá ntondo kɛ nkfundola wɔna Jayiro w’omoto, Yeso ashimelaka papa kɛnde ante: ‘Tokake wɔma, yala ngo la djawo.’ (Lenda vɛrse 50.) Wopo wɔkɔnge nkongi dj’ekfundwelo okokawɔ nkokotshɛ́ . . .
winá w’ovusɛ onto wɔko ɔmɔtshi wɔ ngandji?
winá wɔ lowiko lɔko okomawɔ lá mbalaka?
Lenda VIDEO, ko kadjimola lá woopó wɔwɔlamá.
Wopo wɔkɔnge ambotshi wa Phelicity yawa osukɔ la ekembelo má nkongi dj’ekfundwelo?
ANTO AMƆTSHI NTEPELAKA AMBƆ: “Alekɔ nkambo djɛ wolo ndjawola ente anto wambovɔ wangokfundɔ nsɔsɔlɔ.”
Okanelɛ ente mo?
Vɛrse djɛkɔnge dj’okokɛ nkamba la djɛkɔ djɛ nyɛnyɛ onto ente ekfundwelo kengoyala?
LÁ YOPASƐ
Bible ndakaka ante miliyara y’anto wambovɔ́ wangokfundɔ. Yehova nkɔpaka dj’iwɔ mbika lokina, nde apɛyɛka Yeso wolo wɔ ndaakfundola.
Mvungo
Wopo wɔkɔnge Yehova nya Yeso oyawokawɔ lá nkambo djɛ nkfundola waambovɔ́?
Miliyara y’anto yengokfundɔ yongintasɛ lampe, l’olongo ndo lá looko? Lamo okadjimolɛ nghɔsɔ?
Kɛkɔnge kekoshikikɛ ente anto wako wa ngandji wambovɔ́ nkoka ndjala la lowiko lonkina?
TOKANYI TONKINA
Lenda akambo amɔtshi wokokɛ nangha djɛ nkitshakitshɛ yɛnyi yeyalaká winá wovusɛso.
‘Okotshɔ le waalekɔ́ la tɛnyi’ (Wetshɔ! No. 3 2018 lá Otetela)
Tɔkfɔ telá Bible nkoka nsɔsɔlɔ nkotshɛ́ onto wolekɔ́ la yɛnyi yɛ nyɔyi k’onto wɔnde wɔ ngandji?
Wopo wɔkɔnge dɛngɛ okokawɔ nkfulumeyɛ yɛnyi yɛ nyɔyi k’onto wɔwɔ ɔmɔtshi wɔ ngandji?
Anto ankfumɔ wangokfundɔ djɛ ntowika l’olongo? Anto wakɔna wapangokfundɔ?