Wopo wɔkɔnge nkfumbo kɛko okokawɔ ndjalá l’osasa?—Etenyi 1

Antshukami wa bango nkanelaka ambɔ osasa woyalisá lawɔ lofu lɔ bala djɛwɔ wongotshikala lotshinda. Nkambo djɛsɔ nkoka nanghema. Akristo wambotshukana ilá edjinge wanangha la wolo djɛ nkamba l’alako wemá Bible ndjawolaka ambɔ nkambo ntshɔ dekɔ nsɔsɔlɔ.

1. Bible ɔpɛyɛnde wame alako wakɔnge?

Yehova apɛyɛka wome odjito wɔ ndjala owandji wɔ nkfumbo. (Wala Ɛfɛsɛ 5:23.) Yehova nkɔpaka djɛ wome ndɔsa akano wangoyala la wapɔ le nkfumbo. Bible nshimelaka wame ante: ‘Nyokindjɛ nkɔpa wadji wanyo.’ (Ɛfɛsɛ 5:25) Kɛkɔnge kesakisola nkambo djɛsɔ? Wome wɔkɔpa wadjɛnde ndoonanghelaka akambo la ngandji, ayale lá mvulu kana lá ntondo k’anto. Nde ndoolamaka m’ekakasano edjinge nanghaka k’enkfumɔ k’okokande nangha djɛ nkotshɛ ehomba wɛnde welá demba la wɛ ngandji. (1 Timɔte 5:8) Nkambo djeleka djonyi nde, angokotshɛke ehomba wɛnde wɛ nyuma. (Mateo 4:4) Ndjɔmbɔmba, nde nkoka ndɔmbaka edjinge mbalaka Bible esanga nya wadjɛnde. Ntsha mpame nkotshɛ mposɛ yɛ wadjɛnde la ndɔɔkɔpa, nde angokembɛ djokanelo djɛnde nya Yehova.—Wala 1 Pɛtɛlɔ 3:7.

2. Alako wakɔnge wa Bible ɔpɛyɛnde amato?

Otepela wɔ Ndjambe ntepelaka djɛ wadji ‘ladjɛ ndjalá la dilɛmɛlɔ dj’efula te womɛnde.’ (Ɛfɛsɛ 5:33) Wopo wɔkɔnge w’okokande nangha nkambo djɛsɔ? Nde nkoka ntɔnɔla lá wekeka wa wɔlɔ wa womɛnde edjinge lá welo wilande djɛ nkotshɛ mposɛ yɛnde la yɛ wana wawɔ. Nde nkoka nyɛnyɛ dilɛmɛlɔ djɛnde lonkina winá w’osukande akano wa womɛnde, winá w’otepelande la dilɛmɛlɔ nkfumɔ edjinge ntepela akambo wande wa wɔlɔ ayale kaanga nde apalekɔ Okristo.

3. Wopo wɔkɔnge antshukami okokawɔ nkembɛ bala djɛwɔ?

Bible nshimelaka antshukami ante: ‘Iyape kɛkɔ wangoyala demba mmɔ.’ (Mateo 19:5) Nkambo djɛsɔ nkɔpaka ntepela ente iwɔ ladjɛ ntona akambo ankfumɔ wakoka nkitshakitshɛ ngandji kɛwɔ. Iwɔ nanghaka nkambo djɛsɔ má mpetshɛka winá esanga, la ndjipolanaka eloko papo papoo la ngandji wopo wokanelande la woyawokande. Iwɔ wapawola djɛ ekete kɛmɔtshi la onto ɔmɔtshi ndeka wome kana wadji djonyi, nyimɛ ngo Yehova. Iwɔ nanghaka la wolo dj’ipa ndeka ndjala la djokanelo djɛ ma ma la onto wopalekɔ womɛnde kana wadjɛnde.

TSHIMOLA

4. Wame, nyɔkɔpɛ la nyolame wadji wanyo

VIDEO: Wame, nyɔkɔpɛ wadji wanyo etengo oyakɔpanyo (9:53)

• Lá topo tɔmɔtshi tɔkɔnge wome okokande nyɛnyɛ ante nde nkɔpaka la namaka wadjɛnde?

Wala Kɔlɔsɛ 3:12, ko kadjimola lá woopó wɔnɛ:

• Wopo wɔkɔnge wome okokande nyɛnyɛ wekeka wasɔ lá bala djɛnde?

5. Wadji, nyɔkɔpɛ la nyɔlɛmɛyɛ wame wanyo

Bible nkembɛka wadji djɛnde nɛmɛyɛ womɛnde ayale kaanga nde nkambelaka Yehova kana lako. Wala 1 Pɛtɛlɔ 3:1, 2, ko kadjimola lá weepó wɛnɛ:

• Ntsha womɛko apalekɔ Okristo, mbɔ koko ipa l’ehamo wɛ nkombolaka djɛnde ndjala Okristo lofu lɔmɔtshi. Lá nkilika ikanyi yɛko, nkambo djɛkɔnge djeleka wɔlɔ: Oyɛwɔ nde ndoolakanyɛ Bible mbala la mbala ndokoko, ndjalá l’eyalelo kɛ wɔlɔ edjinge la dilɛmɛlɔ tende? Ladjikɛnge?

Wame la wadji nkoka ndɔsa akano wa wɔlɔ esanga. Koko winá ɛmɔtshi, nkoka ndjalá wadji nya wome wapasange ikanyi lá nkambo mɔtshi. Lá winá wɛ nghɔsɔ wadji ladjɛ nyɛnyɛ tokanyi tɔnde la dilɛmɛlɔ nkfumɔ. Koko nde ladjɛ ndjewa ante Yehova apɛyɛka mpame odjito wɔ nonghanyɛ akambo lá wapɔ wɔ nkfumbo. Nde ladjɛ nangha la wolo djɛ nsuka akano wa womɛnde. Má nangha nghɔsɔ, nkfumbo kɛwɔ kengoyala l’osasa. Wala 1 Pɛtɛlɔ 3:3-5, ko kadjimola lá woopó wɔnɛ:

• Wopo wɔkɔnge Yehova ndokaka winá wɔ wadji ɔlɛmɛyɛnde akano wa womɛnde?

6. Nyokoka ndongela ekakasano wela bala djɛnyo

VIDEO: Wopo wɔ nkembe djokanelo djɛ bala (5:44)

• Lá video djɛnɛ, akambo wakɔnge wɛnyɛ ente antshukami inɛ wapalekɔ esanga?

• Kɛkɔnge k’iyananghe djɛ nkembɛ bala djɛwɔ?

Wala 1 Kɔrɛtɔ 10:24 edjinge Kɔlɔsɛ 3:13. M’ɔkɔngɔ wɔ mbala vɛrse nkfumɔ, kadjimola lá woopó wɔnɛ:

• Wopo wɔkɔnge nkamba l’alako wanɛ okokawɔ nkembɛ bala?

Bible ntoshimelaka dj’iso ladjɛ ndɔsanaka l’odjito. Ndɔsa onto l’odjito nsakisolaka ndoonanghela akambo la ngandji edjinge la dilɛmɛlɔ. Wala Ɔrɔma 12:10, ko kadjimola lá weepó wɛnɛ:

• Wome kana wadji ladjɛ nkonga djɛ winande ndjala onto wɔ ntondo djɛ ndɔɔlɛmɛyɛ? Ladjikɛnge sopakoke ntepela nghɔsɔ?

LÁ YOPASƐ

Wadji nya wome nkoka ndjalá l’osasa ntsha iwɔ ndjokana ngandji, ndɔsana l’odjito edjinge nkamba la tɔkfɔ telá Bible.

Mvungo

• Wopo wɔkɔnge wome okokande nsuka djɛ bala djɛwɔ ndjalá l’osasa?

• Wopo wɔkɔnge wadji okokande ndjila lɔwɔ djɛ bala djɛwɔ ndjalá l’osasa?

• Ntsha oyɛnde ntshukami, ikfɔ yɛkɔnge yelá Bible yekoka nkokotshɛ́ djɛ bala djɛnyo ndjala l’osasa?

TOKANYI TONKINA

Lenda alako amɔtshi wakoka nkokotshɛ́ djɛ ndjalá la lowiko lɔ nkfumbo k’osasa.

Nkfumbo kɛko nkoka ndjalá l’osasa (inkankanda lá Otetela)

Lenda video djɛ yeembo djɛnyɛ wɛlɔ wɛ wadji la wome okokawɔ mba ntsha iwɔ nkamba l’alako wa Ndjambe ndapɛyɛ lá nkambo djɛ bala.

Lemi nkɔkɔpaka efula (4:26)

Shishima kɛnɛ kesakisola nɛmɛyɛ lowandji lɔ wome.

‘Amato, ladjikenge oyɛnyo ladjɛ nɛmɛyɛka lowandji?’ (Etange k’Olami, Ngɔndɔ k’atano 15, 2010 lá Otetela)

Wopo wɔkɔnge akambo wapomanisá lʼantshukami amɔtshi, iyatɔlɛ tá ndjaka bala?

Tokembɛka bala djɛso m’okotshɔ wɔ Ndjambe (5:14)