Yala l’oloko wolo

Kɛnɛ kɛ Yeso ndananghe

VIDEO: Yeso apoposanyɛ Zakeyo

1. Lenda VIDEO, kana wala Luka 19:1-7. Ko tɔnɔla lá weepó w’ɛlɔnda wɛnɛ:

1. Ladjikɛnge anto amɔtshi yapengɔ pengɔka Zakeyo?

2. Kaanga yayalaka nghɔsɔ, ekete kɛkɔnge ketshindisá Yeso djɛ ndopoposanyɛ losango lɔ wɔlɔ?

Owaso olakanyelo wɔkɔnge me Yeso?

2. Iso ladjɛ ndjala l’oloko wolo djɛ mpoposanyɛ losango l’Onkfumi ipa nsɔna dongi.

Okola Yeso

3. Yawɛkɛ le Yehova. Nyuma kɛ Ndjambe kɛpɛyɛka Yeso wolo wɔ mpoposanyɛ, kekoka ntɔpɛyɛ ole iso. (Mat. 10:19, 20; Luka 4:18) Lɔmba Yehova akɔpɛyɛ oloko wolo wɔ mpoposanyɛ anto w’okokɛ ndjoka wɔma.—Elemo 4:29.

4. Toyalake l’ikanyi yɛ nyɛtshi te anto. Tokoka nkakanda djɛ mpoposanyɛ anto amɔtshi m’ɔtɛ wɔ ɛnamelo kɛwɔ, ɔlɔtɔ kana nkfo djɛwɔ, kanga okfudji kana ɔmvɔ, kana m’ɔtɛ w’ɔtɛmwɛlɔ wɔnde. Koko tewe ente:

1. Yehova la Yeso walekɔ l’akoka wa mbala l’oloko; koko ape iso.

2. Lako onto wɔ Yehova ndopakoke ndjoka djandji.

5. Yala l’oloko wolo, la mayɛlɛ koko l’okoso. (Mat. 10:16) Tona ehamo. La dilɛmɛlɔ nkfumɔ, opa ntshawo ntsha onto apawola ndjekameyɛ losango lɔ wɔlɔ kana ɔmɛna ente olekɔ lá mbalaka.—Woo. 17:14.