Yala l’otshilo

Kɛnɛ kɛ Poolo ndananghe

VIDEO: Poolo akindjɛ mpoposanyɛ lá Ɛfɛsɛ

1. Lenda VIDEO, kana wala Elemo 19:8-10. Ko tɔnɔla lá weepó w’ɛlɔnda wɛnɛ:

1. L’edjena kɛ nde ntshika mpoposanyɛ winá w’anto yonanyɛka, wopo wɔkɔnge Poolo ndakindjɛ nkotshɛ́ anto wayalaki la mposɛ?

2. Mbala imangha Poolo ndakalɔ ntolakanyɛ anto wɛnyisá mposɛ wasɔ, ko ndananghe nkambo djɛsɔ l’ilá kɛ ngete nge?

Owaso olakanyelo wɔkɔnge me Poolo?

2. Iso ladjɛ ndjila welo ole ndɔsa winá djɛ nangha mbembo yɛ bango la djɛ ntateyɛ ndjeka l’anto Bible.

Okola Poolo

3. Yalonghanyɛ djɛ nkalɔ ntowembola onto lá winá w’okoka la nde. Kolawopola ente: ‘Winá la idjena yɛkɔnge y’okokami mpomana la nde? Winá la idjena yɛkɔnge ndongawola iso nsawola?’ Yala entshupa djɛ nkalɔ ntoowembola, kaanga ntsha winá w’ɔkɔpɛyɛnde wopakoke la wɛ.

4. Opolande lofu lɔkɔpande wɛ nkalɔ ntowembola. Mbala inkfumɔ yosawolanyo, opolande l’ekomo kɛ ntshawo djɛ nde nkoshikikɛ lofu la winá tshu w’okokanyo ndɛnana lonkina. Nangha la wolo djɛ nɛmɛyɛ lofu la winá w’ɔkɔpɛyɛnde.

5. Yala la nkongi. Toyalake entshupa djɛ mfɛnyɛ ente onto w’opafule ntanema lá mbandja kana wolekɔ́ l’akambo efula wa nangha apalekɔ la mposɛ. (1 Kɔ. 13:4, 7) Koko, yala la wɛdjimo, kindjɛ nangha la wolo djɛ ndoolenda, la yashikikɛ dj’ipa mpetshɛ winá wɔko ohetshɛ hetshɛ.—1 Kɔ. 9: 26.