Mukanda wa kumpala wa Kuilondena kua Mianda

27 Buno nyi bungi bua bena Isalele, ba nfumu ba bifuko bia bamashabo, ba nfumu ba bantu kinunu, ba nfumu ba bantu lukama, na bakunkushi babaadi abafubila nfumu mu mianda yoso itale bisaka bibaadi abiishintushena ku mueshi oso munda mua kipua kishima. Mu kisaka kioso mubaadi bantu 24 000.

2 Mukata a kisaka kia kumpala bua mueshi wa kumpala baadi Yashobeame muana a Zabadiele, mu kisaka kiaye mubaadi bantu 24 000. 3 Mu bana ba Pereze, aye nyi baadi mukata a ba nfumu boso ba bisaka bibaadi abifubu mueshi wa kumpala. 4 Mukata a kisaka kia mueshi wa kabidi baadi Dodayi muina Ahohi, Mikolote nyi baadi mukunkushi, mu kisaka kiaye mubaadi bantu 24 000. 5 Mukata a kisaka kia kasatu kibaadi akifubu mueshi wa kasatu, baadi Benaya muana a tshite muakuidi mukata Yehoyada, mu kisaka kiaye mubaadi bantu 24 000. 6 Uno Benaya baadi kilobo kia ngoshi kia ku bilobo makumi asatu, na baadi kunundu kua biabia bilobo makumi asatu, na muana aaye Amizabade nyi baadi mukata a kiakia kisaka kiaye. 7 A kananka bua mueshi wa kananka baadi Asahele mukuabo na Yoabe, na muana aaye Zebadia baadi mumupiane, mu kisaka kiaye mubaadi bantu 24 000. 8 Mukata a katano bua mueshi wa katano baadi Shamute muina Izrakiya, mu kisaka kiaye mubaadi bantu 24 000. 9 A kasamombo bua mueshi wa kasamombo baadi Ira muana a Ikeshe muina Tekoa, mu kisaka kiaye mubaadi bantu 24 000. 10 A musambobidi bua mueshi wa musambobidi baadi Elese muina Pelone a mu bena Efraime, mu kisaka kiaye mubaadi bantu 24 000. 11 A muanda bua mueshi wa muanda baadi Sibekayi muina Usha a mu bena Zera, mu kisaka kiaye mubaadi bantu 24 000. 12 A kitema bua mueshi wa kitema baadi Abiezere muina Anatote a mu bena Benyamine, mu kisaka kiaye mubaadi bantu 24 000. 13 A ekumi bua mueshi wa ekumi baadi Marayi muina Netofa a mu bena Zera, mu kisaka kiaye mubaadi bantu 24 000. 14 A ekumi na umune bua mueshi wa ekumi na umune baadi Benaya muina Piratone a mu bana ba Efraime, mu kisaka kiaye mubaadi bantu 24 000. 15 A ekumi na akabidi bua mueshi wa ekumi na wa kabidi baadi Eledayi muina Netofa a mu kifuko kia Otenyele, mu kisaka kiaye mubaadi bantu 24 000.

16 Bano nyi babaadi bakunkushi ba bisamba bia Isalele: Mu kisamba kia Rubene, Eliezere muana a Zikri nyi baadi mukunkushi, mu kisamba kia Simeone mubaadi Shefatia muana a Maaka, 17 mu kisamba kia Levi mubaadi Ashabiya muana a Kemuele, mu bana ba Alona mubaadi Zadoke, 18 mu kisamba kia Yunda mubaadi Elihu umune a ku bakuabo na Davide, mu kisamba kia Isakare mubaadi Omeri muana a Mikaele, 19 mu Zabulone mubaadi Ishimaya muana a Obadia, mu kisamba kia Neftali mubaadi Yerimote muana a Azeriyele, 20 mu kisamba kia Efraime mubaadi Oshea muana a Azaziya, mu kisamba kia Manasee mubaadi Yowele muana a Pedaya, 21 mu kipindi kia kisamba kia Manasee mu Gileade mubaadi Ido muana a Zekariya, mu kisamba kia Benyamine mubaadi Yaasiyele muana a Abnere, 22 mu kisamba kia Dane mubaadi Azarele muana a Yeroame. Bano Bantu nyi babaadi bakunkushi ba bisamba bia Isalele.

23 Kadi Davide tabaadi mubadikie bantu babaadi na bipua kubanga pa 20 mpa na kuika, muanda Yehowa baadi mulee bua kufuimisha bena Isalele buabadia kufika bungi nka bu nyenyenyi ya muiyilu. 24 Yoabe muana a Seruya babangile kubadika bantu, anka tabapuile, na Efile Mukulu baadi mukuatshile Isalele nsungu pa muanda wa kuakua kubadika kua bantu. Biabia bungi bua bantu tabubaadi bufundibue mu mukanda wa mianda ya nfumu Davide.

25 Azemawete muana a Adiele baadi alama bupeta bua nfumu, Yonatane muana a Oziase baadi atala mashibo a kulamina bintu abaadi mu mapia, mu bibundi, mu tubibundi na abaadi mu bitenta. 26 Ezeri muana a Kelube baadi akunkusha bantu babaadi abadimi mafuba. 27 Shimeyi muina Rama baadi atala mafuba a nfinyo, Zabadi muina Shifime baadi atala ma mbalo abaabadi abalamina nfinyo. 28 Baale-hanane muina Gedere baadi atala mitshi ya olive na ya sikomore mu Shefela, Yoashe baadi atala ma mbalo abaabadi abalamina muimu. 29 Shitrai muina Sarone baadi atala nyema ibaadi mu Sarone, na Shafate muana a Adelai baadi atala nyema ibaadi mu mabanda. 30 Obile muina Ismaele baadi atala tumelo, na Yedeya muina Meronote baadi atala mpunda. 31 Yazize muina Agera baadi atala bisaka bia mikooko. Bano bantu boso babaadi bakata ba bintu bia nfumu Davide.

32 Yonatane muipu a Davide baadi amupa malango, baadi muntu sha binangu na baadi mufundi, Yekiele muana a Akemoni baadi atala bana ba nfumu. 33 Ahitofele baadi apa nfumu malango, na Ushayi muina Arke baadi kuuku* a nfumu. 34 Yehoyada muana a Benaya na Abiatare babaadi balondele Ahitofele, Yoabe namu baadi mukata a kiluilo kia nfumu.