LUKONKO 7

Nkinyi kibaadi Bible mupwe kwakula pabitale ano mafuku eetu?

“Mîlo aikebwela ingi mîlo ngoshi, mafumu aakebwela angi mafumu ngoshi. . . . Yaya myanda yoso aikekala bu abîkalâ mbangilo ya mitanyo ya kutanda.”

Mateo 24:7, 8, EEM [Esaki 1338]

“Batemuki ba madimi abeebwo beebungi, bapambule bantu beebungi. Bubi abukafwimi, kifulo akikapeele munkatshy’a bantu.”

Mateo 24:11, 12 [Esaki 1339]

“P’anukapusha myanda ya ngoshi pepi, na nkumo ya ngoshi i kula, tanukekalanga na mô, mwanda byabya byoso, wabidi n’ao ngwa’nka kukitshika, anka nfudîlo t’aikafiki’nka papa ooo.”

Maako 13:7, EEM [Esaki 1369]

“Akwikala kutshinkatshinka kwa nsenga kukata; na mu mbalo iilekeene, amwikala bipupa bya mikumbo na bya nsala; bintu bya kutshina abikamweka mwiyilu na bitumdwilo bikata.”

Luuka 21:11 [Esaki 1416]

“Mu mafuku a nfudiilo akufiki bipungo biibukopo. Mwanda bantu abakeekala beetale anka abo baanabeene, bapape mashimba bwa bupeta, baa-sha-kwilungula, bapeeshi ba myanda y’Efile, batombokyele beebatande, bashii na lutumbu, bapeeshi ba bintu bya kishila, bashii lusa, baa-sha-mashimba apape, baa-sha-twipu, bashii beelame, bafule kupombesheena, balwishi ba myanda iibuuwa, baa-sha-kiipuko, baa-sha-bukyelo, bafwe meeso bwa kwileesha, bafule milòo ya mbidi, bashii bakumiin’Efile Mukulu; abakeeleesha bu been’Efile, anka abeekala batune bukome bwaye.”

2 Timotee 3:1-5 [Esaki 1595]