Okyebe kukita akikyeb’eshimba dya Yehowa su?

Atukutumbula bikata p’obe kwata nsaa ya kulonga uno broshire bwa kuuka Batemwe ba Yehowa kalolo, bwa kuuka midimo yetu, na kumona mushindo wi ndumbulwilo etu. Atukulupila shi uno broshire bakukwasha bwa kumona shi lelo uno Batemwe ndjo bakwete kukita akikyebe Yehowa. Atukutekye bwashi otungunukye na kupeta kiukilo ky’Efile Mukulu, bwa kulungula bangi beena kifuko n’obe na bakuuku boobe pabitale myanda yokwete kulonga, na bwashi wekale webungu nsaa yooso netu mu bisangilo byetu bya beena Kidishitu.​—Beena-Ebreeyi 10:23-25.

Su botungunuka na kulonga myanda itale Yehowa, okyebe kumona dingi shi mmukufule ngofu. Eshimba dyobe adikyebe nkutakula mu kukita moobe mooso bwa kulesha shi obe namu we mumufule. (1 Yowano 4:8-10, 19) Mushindo kinyi oodya kulesha lwalwa lukalo mu nshalelo oobe efuku dyooso? Bwakinyi kulonda miiya yaaye itale nshalelo oobe kwi na bukwashi? Na nkinyi kilombeene nkukwasha bwa kukita akikyeb’eshimba dy’Efile Mukulu pamune n’etu? Muntu kwete kulonga noobe Bible ekala na muloo wa nkukwasha bwa kupeta yaya myalulo bwashi obe na kifuko kyoobe nwikale ‘babombeele mu kifulo ky’Efile Mukulu, . . . na kutengyela muwa wa looso.’​—Yuude 21.

Na muloo ooso atukutekye bwashi otungunukye mwishinda dya bya binyibinyi su bolongo uno ungi mukanda “Bya kushaala mu kifulo ky’Efile Mukulu”.