Kwi banambutwile

Nkya buntu kinyi kikile buwa kyanudi balombeene kupa bana beenu? Bana be na lukalo lwa bintu bibungi, mpa na lwa’shi nwibafule, nwibakunkushe na kwibakalwila. Anka, kukila paapa, kya buntu ki na muulo ukata kyanudi balombeene kwibapa nyi nkuuka Yehowa na bya binyibinyi bi mu Bible, Eyi dyaaye. (Yowano 17:3) Kino kyukilo nkikumbeene kukwasha bana bwa kutamisha kifulo kyabo bwa Yehowa na kumufubila n’eshimba dimune, sunga mpabakii bakinga.​—Mateo 21:16.

Baledi bebungi mbamone shi bana bakii bakinga abalongaa kalolo pe baledi abebalongyesha na kukita nabo tu myanda tupeela tupeela. Byabya, twi na muloo wa kutuusha uno mukanda wa Malongyesha ande a mu Bible. Mwisambo ooso ngufundjibwe mu ngakwilo mupelepele bwa kulongyesha bana kalolo. Bifwatulo na mayi e mwanka mbebikite bwa bana be na bipwa bisatu sunga mushi mwabyo. Twi baleshe dingi tu myanda twanudi balombeene kukita nsaa yanulongo. Uno mukanda wa Malongyesha ande a mu Bible ta ngwa kupa bana bwa kwasha nawo nya. Kadi, ngufundjibwe bwanudya kwiubadika pamune na bana, bwashi nwikale anwisamba na’bo.

Atukulupila shi uno mukanda aukyebe kwinukwasha bwa kulongyesha bana benu bya binyibinyi bya mu Bible “byatshiile ku bukinga.”—2 Timotee 3:14, 15.

Bakwenu,

Kasaka ka Bakunkushi-Bakulu ka Batemwe ba Yehowa

[Foto i mwisaki 3]