Bwakinyi abitungu shi otaluule bipwilo kalolo?

Banda kupwandjikisha shi abitungu bakubukye mwanda wa maladi ebukopo oodi nawo. We mulombeene kukulupila ngofu mwi munganga, byabya abitungu shi otuule muuwa oobe mu maasa aaye. We mulombeene kwikala na lukalo lwa kutaluula maladi aadi mupwe kubuka su?

Mu mushindo umune, bibuwa kutaluula bipwilo kalolo. Su we mulamate ku kipwilo kampanda, we mutuule muuwa oobe wa mu kikudi mu maasa aakyo. Bino abilesha mpa na lukulupilo loobe lwa kupashibwa.

Yesu baadi mutuushe miiya ya kwitukwasha bwa kutaluula bipwilo kalolo. Bambile bino: “Mutshi ooso abeeutundwilaa ku bikuba byaawo.” (Luuka 6:44) Bu kileshesho, nsaa yotala kipwilo sunga kisaka kampanda, nkikuba kinyi ki mwanka kyokuminaa? Bakata ba kyakya kipwilo mbanemeene anka ku myanda ya makuta su? Bantu be mwanka bakwete kulonda miiya ya mu Bible itale ngoshi na mwikeelo su? Kwi kingi kipwilo kikwete kulonda bya binyibinyi su? Atukutekye bwashi otaluule ino miisambo ayilondo.