Bya kukambila twinyongoshi

Bafubi ba Yehowa bakwete kusangeela butaale na buumune bwi mu kipindji kya ndumbulwilo a Yehowa ki pa nsenga. Twi kuleesha naminyi shi twi na lutumbu lukata lwa kwikala mu ino mpàngo yaaye bwa kumulangwila mu binyibinyi, na nkinyi kilombeene kukita muntu ooso bwa kutamisha bwabwa butaale? Uno mwisambo aukyebe kwaluula ino nkonko.

Uno mwisambo aukapatuula ingi myanda ya muloo ayikakitshika mu mafuku e kumpala. Atukyebe kulonga dingi bwakinyi atukakulupila ngofu mwi Yehowa mu mafuku a mpombo ikata.

Bantu bebungi ba mu ndumbulwilo a Satana be na kifulo bw’eumbo dyabo, ekoba dyabo sunga bipikwa byabo. Anka, atwe twibetshipe bwa kushaala na lulamato kwi Yehowa. Uno mwisambo aukaleesha bwakinyi t’atutwelakanaa mu mishikwa ya uno ndumbulwilo na byatudi balombeene kwitatshisha bwa kwikala na mweneno e mumune na a Yehowa na Yesu.

Mu nsenga ishima, bafubi ba Yehowa bakwete kwibunga bwa kumulangwila mu Mashibo a Bufumu na mu angi ma mbalo. Mu uno mwisambo, atutaluula mayi a kulonda a mu Bible aetulongyesha bwa kunemeka mbalo ya lulangwilo, kutuusha bya buntu, na kubaamba aa mashibo bwa kutumbisha Yehowa.