Myanda i Mwanka

Kwi bafubi ba Yehowa, kuyimba kwi na muulo ukata mu lulangwilo lwabo. Byabya, bamo mbalombene kupusha bukopo bwa kuyimba munkatshi mwa bantu. Twi kukambila moo wa kufuba n’eyi dyetu bwa kutumbisha Yehowa naminyi? Uno mwisambo awitupa tubingilo twibuwa atwitutakula mu kuyimba n’eyi di bukopo na muloo na awitulesha myanda yatudi balombene kukita bwa kulongamisha eyi dyetu dya kuyimba nadyo.

Twi kupeta malongyesha e na muulo ku bukwashi bwa mpata ya kufwamina ibadi mu Isaleele a kala. Mu mwisambo wa kumpala, atutala mishindo ilombene muntu bakitshi mulwisho kutuula kifwamino kyaye mwi Yehowa lelo uno. Mu mwisambo wa kabidi, atukamono mushindo awitukwasha kileshesho kya Yehowa bwatudya kufwila bangi lusa, kuneemeka muwa na kukita myanda na kululama.

Ino miisambo ibidi ngimeene pa elango diyookyelwe dya Mpoolo kwi bena Kidishitu ba mu Kolose. Mwisambo wa kumpala aupatuula kyatudi balombene kukita nsaa yatupusha binangu bya pa nsenga abipushika bu bibuwa. Mwisambo wa kabidi awitutentekyesha mushindo watudi balombene kusuuka binangu bilombene kwitukutshishwa myabi yabadi betulee kwi Yehowa.