Myanda i mwanka

Nsaa yatupusha bu’twe bakambilwe na twinyongoshi twa mu nshalelo, twi balombene kukita kinyi? Uno mwisambo aupatuula kifundwe kyetu kya kipwa kya 2018 na dingi aulesha bwakinyi abitungu tupe Yehowa mushindo wadya kwitunyingisha na byebikitaa.

Kitentekyesho kya lufu lwa Kidishitu akikitshikaa dimune ku kipwa, akikakitshika mu dya Mpooso, 31/3/2018. Twi kwilumbulwila kino Kitentekyesho kubanga binobino naminyi, mushindo kinyi watudi balombene kupeta myabi ibungi nsaa yatutwele mwanka, na uno mwanda aukitshikaa dimune ku kipwa aunyingishaa buumune bwa mwilo w’Efile Mukulu mu mbalo yoso yabadi naminyi? Opete ngalulo ya ku ino nkonko mu uno mwisambo.

Bintu byoso byatudi nabyo abifiki kwi Yehowa. Anka, etutekye bwatudya kufuba na mono yetu bwatudya kukwatshishena mudimo wa ndumbulwilo aaye lelo uno. Uno mwisambo aukalesha bwakinyi abitungu tutumbishe Yehowa na bintu byetu bya muulo na myabi yatupete su tubakitshi bino.

Mwisambo wa kumpala aulesha’shi muloo wa binyibinyi autuukila mu kufula Efile Mukulu kushi mu ingi mishindo ya bifuloo bibubi yabalesha kwi bantu ba mu “mafuku a ku nfudilo.” (2 Timote 3:1) Wa kabidi aulesha mushindo wilekene ngikashi ya bantu ba mu mafuku a ku nfudilo na ngikashi yatupete mu mwilo w’Efile Mukulu.