Myanda i Mwanka

Kiukilo su ta bekifubisha takikalaa na muulo nya. Anka bwa kutumikila myanda yatudi balongye abitungu twikale na kwiyisha. Uno mwisambo auketukankamika bwatudya kwikala na kwiyisha pa kwambula bileshesho bya bantu ba mu Bible babadi balungule mukandu wibuwa kwi bantu ba bipaso byoso, babadi abatekyela bangi, na kutengyela bwa’shi Yehowa ebapwile myanda yabo.

Mu ano mafuku e bukopo, mbibofule bwatudya kutshoboloka sunga kukambilwa na nkalakashi ya mu nshalelo. Yehowa na Yesu bakwete kwitukwasha bwatudya kwiyikambila. Anka boso bwetu twi na bushito bwa kusamba na kwinyingishena ku muntu na muntu. Uno mwisambo aulesha mushindo watudi balombene kwinyingishena mu kifulo.

Yehowa nyi Efile Mukulu sha muloo akumina’shi bafubi baye bekale na muloo. Byabya, mushindo kinyi watudi balombene kwikala na muloo sunga kwekala nkalakashi ibungi mu uno ndumbulwilo a Satana? Mu mwisambo waye wa pa mwengye, Yesu badi mutushe malango ebuwa alombene kwitukwasha bwa kwikala na muloo wa binyibinyi.

Mu uno ndumbulwilo mwi bantu befule nka penda abo banabene, mu kakongye ka bena Kidishitu bantu bakwete kwileshena kifulo. Umune wa ku mishindo ya kulesha kino kifulo nkupasukila bangi, uno ngi mwanda wabadi besambile mu ino miisambo ibidi. Mu wa kumpala, atukamono mushindo wabadi betulekyele kileshesho kibuwa kwi Yehowa kya bu muntu apasukilaa bangi. Mu wa kabidi atukamono mishindo ilekene yatudi balombene kumwambula.