Fuba kalolo na ma jurnale a kala

Bu byabidi shi ma jurnale a kala t’akwasha muntu sunga ngumune nsaa yatudi beatuule mu stoke sunga kwiasumbula ku lupese, twi balombeene kutompa kwiapa bantu. Jurnale e bupenka mmulombeene kwibwesha lukalo lwa muntu mu bya binyibinyi na kumutakula bwa kubanga kusamuna eshina dya Yehowa. (Lom. 10:13, 14) Ano aalondo nyi mayele alombeene kwitukwasha bwa kwabila kalolo ma jurnale a kala.

• Nsaa y’olungula mukandu wibuwa mu teritware abashabakambaa kulungula mukandu wibuwa, pangi we mulombeene kuleka jurnale umune pa mbalo yashi ba mumona kwi basha-nshibo boshii musangane.

• Nsaa y’olungula mukandu wi buwa mu ma mbalo aatendyelaa bantu, bu mbalo y’abatengyelaa myotoka, mbalo ayimenaa mashuwa a ndjandja, ipusha bantu su mbalombeene kusangeela bwa kupeta ungi mukanda wa kubadika, ebaleeshe ma jurnale ebungi a kala, na webatadiile basangule.

• Nsaa yokiila ku lupitaalo, sunga angi ma mbalo e byabya e mu teritware a kakongye keenu, olekye ndambo ya ma jurnale a kala pa mbalo ayiteengyelaa bantu. Abitungu kubanda kuteka matalwa kwi mukata a yaaya mbalo su e panka. Su bomono bangi bantu be na ma jurnale paapa, mbikile buuwa kuleka ndambo ipeela.

• Nsaa ywelumbuula bwa kwalukiila mu kwibatala, taluula myanda ayisangasha muntu ooso okyebe nkatala. Yawa muntu e na kifuko su? Akyebe kwenda mu lwendo? Akuminaa kulumbuula mu lupango? Taluula mu ma jurnale a kala bwa kumona su mwi miisambo yilombeene kumusangasha pabadika, na omuleeshe yanka nsaa ywalukiila bwa kwimonena naye.

• Nsaa yosangana muntu baleeshe lukalo ku nshibo na dingi kunyima kwa kwipusheena naye byashi nwimonene, muleeshe angi a ku ma jurnale a kala ekalanga mukutwe.