Mushindo wa kubanga mwisambo (Su jurnale a Kisonge te kwanka, nwate a Fwalanse)
Bwa kubanga kulonga Bible na muntu dya Mposo dya kumpala mu mweshi wa Katano
“Tukwete kutembela bantu kapindji kapeela bwa kwisamba nabo pabitale lukonko alukalakasha bantu bebungi. [Muleeshe lukonko lwa kumpala lwi kunyima kwa Kitenta kya Mulami kya 1/5.] We kwaluula naminyi?” Mutadiile aluule. Talulaayi pamune myanda yabadi bafunde muushi mwa lukonko na nubadikye verse umune a ku yaaya yabadi bemuleeshe. Mupe ma jurnale, na wepusheene naye bwanudya kutaluula lwalwa lungi lukonko mususa aufiki.
Kitenta kya Mulami 1/5
“Tubafiki mu nkakumona bwa kapindji kapeela mwanda bantu bebungi abakyebe kuuka abikyebe kwibafwila. Nsaa y’onangusheena pabitale mafuku e kumpala okwete kupusha naminyi? Eshimba ndikunyingye, su we mukalakashwe? [Mutadiile aluule. Akupu obadikye ma verse e mu kashibo ke na mutwe wa mwanda awamba shi: “Kibaadi Efile Mukulu muleshe pabitale mafuku aafiki.”] Uno jurnale alesha ingi myanda ibaadi Efile Mukulu mwakule ayikyebe kukitshika na opatuule bwakinyi twi balombeene kushinkamisha shi ayikyebe kulombana.”
Réveillez-vous ! Mweshi wa 5
Tukwete kwenda na kumona bantu kapindji kapeela bwa kwibakwasha pabitale mushindo wa kukambila twinyongoshi. Byabya, abimweneka lelo uno shi bantu bebungi mbenyongole ngofu kukila mafuku ashaale? [Mutadiile aluule.] Bantu bebungi mbamone shi elango di mu Bible ndjibakwashe mu mushindo wa kupudisha twinyongoshi bwabo. Bu kileshesho. [Badika Mateo 6:34.] Uno jurnale apatuula mushindo wi miiya ya mu Bible ngilombeene kwitukwasha bwa kupudisha myanda ikata inanka ayifwisha twinyongoshi.”
Laminayi bino: Uno jurnale mmulombeene kukwasha ba nsunga ngofu.