Mushindo wa kubanga mwisambo (Su jurnale a Kisonge te kwanka, nwate a Fwalanse)

Bwa kubanga kulonga Bible na muntu dya Mposo dya kumpala mu mweshi wa Kasamombo

“Tukwete kutembela bantu bwashi tubande kwisambila pabitale luno lukonko.” [Muleshe lukonko lwa kumpala lwi kunyima kwa Kitenta kya Mulami kya 1/6.] We kwalula naminyi?” Mutadiile aluule. Na nutaluule pamune myanda i muushi mwa lukonko lwa kumpala na nubadikye verse umune a ku yaaya yabadi baleeshe. Mupe jurnale, na wepusheene naye bwa kwalukiila bwa kutaluula lukonko alulondo.

Kitenta kya Mulami 1/6

Kutoma kwa nfwanka akwipaa bantu pepi 6 000 000 ku kipwa kyooso. Ouku namu kintu kyabadi balombeene kukita bwa kupeelesha buno bungi bwa bantu abafu? [Mutadiile aluule.] Batu bebungi mbapete bukwashi bwa kuleka sunga kupela kutoma nfwanka p’abo kuuka bi mmweneno a Yehowa pabitale wawa mwanda. Bu kileshesho, uno verse a mu Bible mmukwashe bangi bantu bwa badya kunangusheena mushindo wi kutoma kwa nfwanka akulwishisha bangi bantu. [Badika 1 Beena-Kodinto 10:24.] Uno jurnale apatuula bi mmweneno a Efile Mukulu pabitale kutoma kwa nfwanka, mmweneno mulombeene kutakula muntu bwadya kuleka kumutoma.

Réveillez-vous ! Mweshi wa Kasamombo

“Site a Internet a kwisamba na bantu bebungi mususa umune babofusha myanda bwashi bantu bebungi bapete bakuuku bashii ba binyibinyi kukila mafuku ashaale. Mbwikashi kinyi bwi na muulo bwatudi balombeene kupeta kwi kuuku ebuwa? [Mutadiile aluule.] Nakyebe kukuleesha uno mulango wi na muulo utale bukuuku wi mu Bible. [Badika Jaake 1:19.] Uno jurnale aleesha mayi a kulonda anaka alombeene kwitukwasha bwa kwikala bantu babakumiina kwi bangi bwa kwikala bakuuku babo bebuwa.”