Patulwila bantu bi nkumiino yeetu pabitale 1914

Bifundwe abitunyingisha bwatudya kwikala “belumbuule bwa kwakula kwi ese a kwinwipusha” pabitale nkumiino yeenu, “nwalûle na kipopêlo na kanêmo. (1 Mp. 3:15, 16, EEM) Bwa kwakula kalolo, twi balombeene kwibimona bukopo nsaa y’atukyebe kupatuula bya binyibinyi bya mu Bible, bu bino byatuuku shi Bufumu mbubangye kumunana mu 1914. Bwa kwitukwasha, mbalumbuule bipindji bibidi bya mwisambo awamba shi: “Temwe umune atentekyesha na muntu​—Bufumu bw’Efile Mukulu bubabangile kumunana kubanga mu mafuku kinyi?” Uno mwisambo autuukaa mu ma jurnale eetu a Kitenta kya Mulami, atufubu nawo mu mweshi w’Ekumi na w’Ekumi na umune. Nsaa y’obadika ino miisambo, taluula ino nkonko ayilondo itale bibakitshine Cameron, mulungudi a mukandu wibuwa e mu uno mwisambo.

Mushindo kinyi wadi . . .

• mufubile mayi aetutekye bwa kutwesha kwipusheena?​—Bik. 17:22.

• muleeshe kwiyisha nsaa ibaadi apatulwila bantu bi nkumiino yaaye?​—Bik. 14:15.

Bwakinyi bakitshine bibuwa p’aye . . .

• kwambuula mu kikoso myanda ibaadi mwakule kumpala kwa kukila ku ingi mitwe ya mwanda?

• kuumiina kapindji nsaa yooso na kwipusha muntu misusa ibungi bwa kuuka su muntu alongo naye mmulamiine myanda yabadi balongye mafuku ashaale?

• kupela kulongyesha myanda ikile bungi mususa umune?​—Yo. 16:12.

Atutumbula bikata Yehowa ‘mulambukishi eetu mukata’ pa’ye kwitulongyesha mushindo wa kupatulwila bantu bee na nsala ya myanda ikata ya mu Bible!​—Yesh. 30:20.