Bitambukye mudimo wetu

Mu 17/1/2015 abekalanga bafungule mashibo apya a tulasa mu Kinshasa. Kubanga binobino, tulasa twa Bakunki ba bifunda na Bakashi baabo na Kalasa kapya ka Balungudi ba Bufumu tabibangile kukitshika mu aa mashibo. Bantu 1264 abekalanga bapetekyelwe ku mwisambo wa kulambula aa mashibo kwi Yehowa wabekalanga bakite kwi Gerrit Lösch umune a mu Kasaka ka Bakunkushi Bakulu. Butookye, Mukwetu Lösch ekalanga mukunkushe programe a kupa balongi makumi atano ma diplome aabo. Baaba balongi mba tulasa tubidi twa Kalasa ka Balungudi ba Bufumu tukitshikye mu teritware eetu bwa mususa wa kumpala. Anka dyadya efuku dimune kunyima kwa midi, nkukitshikye kingi kisangilo ki pa bwakyo ku Nshibo ya Bikongeno ya mu Limete, ku Kinshasa. Mwisambo awikalanga na mutwe wa mwanda awamba shi: “Buumune bwa nsenga ishima–abwikala kwanka binobino” na abekalanga batuushe rapore itale mudimu wetu mu Congo yooso ibidi. . . . Kunyima, abekalanga batume mayi akobolwe (mpa na video, mu ma mbalo abadikye) mwabekalanga bakite kyakya kisangilo mu ma mbalo e bungi a mu teritware eetu. Bakwetu balume na bakashi bakile pa 115177 abekalanga bateemeshe uno mwisambo.