Tulongamishe mudimo wetu wa bulungudi—Kulungula mbalo ya busunga

Bwakinyi bi na muulo: Pekale shi bantu abakishaa nsaa ibungi ku mudimo, mushindo ukile buwa wa kwibalungula mukandu wi buwa wa Bufumu nyi nkwenda mu kwisamba nabo pa mbalo yaabo ya mudimo. Kulungula mbalo ya busunga kwi buwa na akutuusha bipeta bibuwa, mwanda bibukopo bwa kwibakutwa ku midimo yaabo, na beena midimo abaleshaa bukalanga kwi booso abafiki kwabadi mwanda abebamonaa bu bakidiya baabo. Bwa kukita mudimo kalolo, abitungu balungudi bekale na bukalanga na ngyelelo a binangu e buwa mpa na kwikala kileshesho kibuwa mu nfwadilo na mu ntshibilo a nyeene. (2 Kod. 6:3) Byabya, abitungu mukunkushi a mudimo wa bulungudi aukye kalolo byabakwete kwimufuba na mbananyi bakwete kwimufuba.

Mushindo wa kwibikita:

Lumbuula mushindo wa kubanga mwisambo mu kikoso. Su muntu kwete kufuba, twamwata nsaa ibungi, t’aketutambula dimo nya.
Alukiila mu kutala bantu nsaa yabadi na mudimo upeela, bu nsaa yabaky’abafungula.
Banda kuteka matalwa kwi mukata a mudimo. Ikala musasakate na muloo. Wekwakula bino: “Tukwete kutembela bantu bwa kapindji kapela ku midimo yaabo mwanda bibukopo bwa kwibasangana ku mashibo aabo.” Esambe naye kapindji kapela, omupe trakte, jurnale, sunga ungi mukanda. Tabibuwa betumona bu bantu abaudishaa mikanda, tabibuwa kumulungula bwa kutuusha bya buntu su aye nabeene ta mukwipushe abitambukaa mudimo wetu.
Su mukata a mudimo mmutu a bantu, mutekye matalwa bwashi wesambe na beena mudimo baye. Ku ingi mbalo ya busunga, mbikile buwa kubanda kuteka matalwa su we bya kuleka mikanda ya kubadika, bu pa mbalo ya kwikiisha sunga ya kudiila.
Ikala na bukalanga na ngyelelo abinangu e buwa, weubidishene na myanda yosangana. Bu kileshesho, su nsunga kwete kwisamba na kidiya, sunga’shi e na ungi mudimo, mutengyele nsaa yekala bisumanga ndjo wefubwile kwadi.

Ebitompeyi munda mwa uno mweshi:

Mu Lulangwilo lwenu lwa mu kifuko alulondo, kitayi kileshesho mu kikoso bu abafubu pa mbalo ya busunga.