Ambulayi lukumiino lwabo
1. Kubanga mu lubingo lwa 19/10, atulongo mukanda kinyi mu Kulonga kwa Bible mu kakongye?
1 Mu lubingo lwa 19/10/2015, atubanga kulonga mukanda wa Imitez leur foi mu Kulonga kwa Bible mu kakongye. Uno mukanda autaluula miisambo ya mu Bible ya bana balume na bakashi 14 basha lukumiino. Ukwete kwakwila myanda ya bano bantu basha lukumiino mu mushindo watwibamono mu binangu byetu, awitukwasha bwashi twibamone bu bantu ba binyibinyi abaadi bafumankane na nkalakasho bu bibabadi abafubila Yehowa. Uno mukanda autuusha dingi malongyesha ku ino miisambo bwa kwitukwasha bwashi muntu ooso amone bya kwambula baaba bantu lelo uno.—Eb. 6:12.
2. Pushisha myanda kampanda yatusangana mu mukanda wa Imitez leur foi.
2 Myanda i mwanka: Mu uno mukanda mwi mbalo y’abaleesha kwilondeena kwa bipungo na ma karte abitukwasha bwa kuuka kipungo na mbalo ibaadi ishaale muntu ooso. Na dingi, shapitre ooso e na mbalo i na lukonko alwakula’shi: “Qu’en penses-tu?” ayitukwasha bwa kunangusheena ku baaba bantu na kutumikila aa malongesha atubalongo. Mu uno mukanda mwi dingi bifwanyi bibungi biina malangi ebuwa; abipatuula kantu pa kantu, na bifwatulo byakala byabadi bakimbuule kalolo.
3. Nkinyi kyatudi balombeene kukita bwa’shi kulonga kwa uno mukanda kwitukwashe?
3 Byaudi ulombeene nkukwasha: Mukanda wa Kasaka ka Bakunkushi-Bakulu wi ku mbangilo awitukankamika na ano mayi: “Banda kupwandjikisha; omone yaaya myanda bu ikutale. Otompe kupusha bibaadi baaba bantu ba mu Bible bapushe, omone bibabadi bamone. Opwandjikishe bibabadi bakite mu mwanda kampanda na mushindo oodi mukumbeene kukita.” Eyendo, kunangusheena takuleesha kwiyela nkonko nya, kadi akuleesha kupwandjikisha mu binangu kyakya akileesha mwisambo ufundjibwe ku bukome bwa kikudi kiselele na kwituula pa mbalo ya bantu babadi bakwile. Bwa kukita byabya akutekye nsaa na kunangusheena. (Ne. 8:8) Su kulonga akubanga munkatshi mwa shapitre, kumpala kwa kubanga, mukunkushi akite sekonde 30 sunga 60 bwa kwambuula myanda ya nulongyele mususa ushale. Abitungu kwela lukonko lumune sunga ibidi ku nfudiilo kwa kulonga bwa kwambuula su mbalo yanubalongo tayii na kamutwe ka mwanda akamba shi “Qu’en penses-tu?”
4. Bwakinyi abitungu shi tulongye mukanda wa Imitez leur foi?
4 Twi mu ndumbulwilo kwete kukimba efuku dyooso bya kubofusha lukumiino lwetu mu myanda ilekeenelekeene. Uno mukanda mpa na miisambo iyituukaa mu Kitenta kya Mulami, yabadi babungye bwa kutuusha uno mukanda nyi nkyabuntu akifiki kwi Yehowa akitukwasha bwa kunyingisha lukumiino lwetu. (Ja. 1:17) Uno mukanda awitukwasha p’atutwele misusa yooso mu Kisangilo kya kulonga kwa Bible mu kakongye na kutushanga myaluulo ku nkonko nsaa yatwiulongo pamune.