Eyi dy’Efile Mukulu dii na bukitshishi mu nshalelo oobe a kwifuku n’efuku su?

Kubadika kwa Bible efuku dyooso nkulombeene kwitukwasha bwa’shi twikale “bamene mishi” na ‘banyingye mu lukumiino.’ (Kol. 2:6, 7) Byabya, bwashi Eyi dya Yehowa dikale na bukitshishi mu nshalelo eetu, abitungu tunangusheene ngofu na kufubisha aa mayi a kulonda. (Eb. 4:12; Ja. 1:22-25) Yooshwa 1:8 (NWT) aleesha matabula akata asatu a kulonda nsaa y’atubadika Bible: (1) Kubadika Eyi dy’Efile Mukulu “kanya na bufuku.” (2) Kwidibadika “n’eyi diikye,” akuleesha kubadika mu mushindo aukukwasha bwa kunangusheena bwa kuuka mbalo na bwakinyi abebifundjile. (3) Kutumikila “byooso byabadi bemufunde.” Kutumikila aa matabula akwitukwasha bwa “kutambuka kalolo” na “kukita myanda na binangu” mu nshalelo eetu eefuku n’efuku.