Tulongamisheyi mayele eetu mu mudimo wa bulungudi​—Kukuma mashimba a bantu ku bukwashi bwa mukanda wa “Elameyi mu kifulo ky’Efile Mukulu”

BWAKINYI BI NA MUULO: Abitungu bantu balongye miya ya Yehowa na kwiyitumikila, bwashi akumine lulangwilo lwabo. (Yesh 2:3, 4) Mukanda wa “Kifulo ky’Efile Mukulu” mmukanda wa kabidi w’atulongaa nao bantu, aukwashaa balongi ba Bible bwabadya kumona bya kufubila miya ya Yehowa mu shalelo aabo a efuku dyooso. (Eb 5:14) Abitungu twitatshishe bwa kukuma mashimba aabo nsaa y’atulongo bwashi baukye bwakinyi kushintuula nshalelo aabo kwi na muulo.​—Lom 6:17.

BYA KWIBIKITA:

• Elumbuule kalolo, otuule nkalo ya muntu olongaa naaye mu binangu. Mwele tu nkonko atukukwasha bwashi otundule bi binangu byaye pabitale mwanda wanukwete kulonga.​—Nki 20:5; be-F 259

• Fubisha tushibo twa kwambuula bwa kukwasha mulongi bwashi aukye bwakinyi bina muulo ekale afubila miya ya mu Bible

• Kwasha mulongi oobe amone bya kufubisha kondo kaye k’eshimba, kadi tomwatshilanga bitshibilo.​—Gal 6:5

• Kimba na mayele bwa kushinguula su mulongi, kii na tu myanda atutungu kumukwasha bwadya kwitushintuula na kumona bya kufubila ingi miya ya mu Bible. Na kalolo kooso, munyingishe bwadya kushintuula nshalelo aaye bwa kulesha shi mufule Yehowa.​—Nki 27:11; Yo 14:31