NSHALELO A BWINA KIDISHITU
Ikala na muloo wa kulungula mukandu wibuwa
Tabibakwelele bukopo bwa kulungula mukandu wibuwa? Bebungi ba kwatudi be kwaluula shi oolo. Bwakinyi? Pangi mwanda tabakwete kukumina mukandu mu teritware eetu sunga shi tukwete kutshina kwisamba na bantu batushatuuku. Kushi mpaka, byabya bi kushimisha muloo wetu. Kadi, Efile atukwete kulangwila nyi Efile a muloo, akumiina shi tumufubile na muloo. (Mis 100:2; 1Tim 1:11) Ntubingilo kinyi tusatu atwitutakula bwa kwikala na muloo mu bulungudi?
Ka kumpala, tukwete kulungula mukandu wa lukulupilo. Sunga shi lelo uno bantu tabakwete kwata lukulupilo na muulo, twi kuusha mashimba aabo na ‘mukandu wi buwa wa kintu kibuwa.’ (Yesh 52:7) Kadi mukandu wibuwa wa Bufumu bw’Efile Mukulu ngulombene kwitupa muloo. Kumpala kwa kwenda mu bulungudi, nangushena ku myabi ayikafwisha Bufumu bw’Efile Mukulu pa nsenga.
Ka kabidi, mukandu wibuwa watukwete kulambukisha, ukwete kukwasha bantu ku mbidi na mu binangu. Bakwete kulonga bwa kuleka bikitshino bibubi na kwikala na lukulupilo lwa muwa wa looso. (Yesh 48:17, 18; Lom 1:16) Twi balombene kunangushena atwe banabene ku mudimo watudi bapete. Sunga shi bangi bantu tabakuminaa kupashibwa, atutungunukaa na kukimba baaba balombene kupashibwa.—Mat 10:11-14.
Ka kasatu, kina muulo ukata, mudimo wetu ukwete kutumbisha Yehowa. Kwete kwata mudimo wetu na muulo ukata. (Yesh 43:10; Eb 6:10) Na dingi kwete kwitupa kikudi kyaye bwashi tulombashe wawa mudimo. Ndjo bwakinyi teka Yehowa Efile a muloo, akupe kikudi kyaye. (Gal. 5:22) Ku bukwashi bwaye, twibalombene kukambila twinyongoshi twetu bwa kulambukisha na katshintshi. (Bik 4:31) Sunga bantu bakutwa kusankila mukandu mu teritware eetu, atwikalaa na muloo mu mudimo wetu wa bulungudi.—Es 3:3.
Nkinyi akikupaa muloo mu bulungudi? Mbikunyi byodi mulombene kulesha muloo?
LESHA VIDEO AMBA SHI: PETUULA MULOO PA KWILONGYELA NA KUNANGUSHENA, KUNYIMA NWALUULE INO NKONKO:
Bwakinyi abitungu tutuule kwilongyela kwetu pa mbalo ya kumpala, sunga shi atukishaa nsaa ibungi mu bulungudi?
Mbikunyi byatudi balombene kwambula Mariya?
Nsaa kinyi yodi mwate bwa kunangushena mwiyi dy’Efile Mukulu?
Nkinyi kilombene nkupa muloo nsaa yolungula mukandu wibuwa?