Tulongamisheyi mayele eetu mu mudimo wa bulungudi​—Kwalukila mu kutala bantu

BWA KINYI BI NA MUULO?: Bantu bebungi abasankilaa mukandu wa Bufumu bakwete kukimba bya binyibinyi pabitale Efile Mukulu. (Yesh 55:6) Bwashi twibalongyeshe kapelakapela, abitungu twikale atwalukiila mu kwibatala misusa yoso. Bantu abafumankanaa na nkalakashi ilekenelekene, byabya, be kusankila bya binyibinyi mu bipaso bilekene. Anka, bwashi twibalongyeshe kalolo abitungu twilumbuule na twikale na kepatshila kwi muntu ooso, twikale na mpàngo ya kubanga kulonga Bible na bantu.

BYA KWIBIKITA:

• Etatshishe bwa kwalukila mu kutala bantu kushi kunyengakana, kushi kukisha mafuku ebungi.​—Mat 13:19

• Eubidishene nabo na ebanemekye. Ikala na muloo

• Banda kwimuna muntu na muloo, mutemune mwishina dyaye. Mulungule bwakinyi bolukila mu kumutala​—pangi mbwa kwaluula ku lukonko lwaye, kumutwadila jurnale mupya, kumulesha site eetu, kumulesha video sunga kumulesha byatulongaa Bible na bantu. Su basankila ungi mwisambo, kimba bya kumukwasha.​—Fid 2:4

• Myamina meema ku mbyo ya bya binyibinyi ikunyibwe mwishimba dyaye p’oobe kumulungula myanda ya mu Bible na pangi pa kumulekyela mukanda. (1Kod 3:6) Kimba bya kwikala naye mu kipwano

• Mulekyele lukonko lwa kutaluula mususa aufiki