Tulongamisheyi mayele eetu mu mudimo wa bulungudi​—Kwela nkonko kalolo

BWAKINYI BI NA MUULO: Su “binangu bii mwishimba dya muntu bii buu mmeema ee kula,” byabya nkonko i nka bu mbeketshi bwa kwiatapula. (Nki 20:5) Nkonko ayitukwashaa bwa kutwesha bantu abetuteemesha mu mwisambo. Nkonko yedibwe kalolo ayituushaa myaluulo ibuwa. Yesu baadi mufube na konko kalolo. Mbikunyi byatudi balombeene kumwambula?

BYA KWIBIKITA:

• Ipusha muntu bi mweneno aaye. Yesu baadi mwipushe kalolo balongi baye nkonko bwa kuuka bi mweneno aabo. (Mat 16:13-16; be-F 238 ¶3-5) Nkonko kinyi ya kuuka bi mweneno a muntu yoodi mulombeene kwela?

• Ipusha lukonko alumutakula mu kwalula. Bwa kuludika mweneno a Mpyeele, Yesu bamwipwishe nkonko na kutuusha ingi myaluulo bibamutakwile bwa kupeta lwaluulo lwi buwa. (Mat 17:24-26) Nkonko kinyi ayitakula mu kwakula yoodi mulombeene kwela bwa kukwasha muntu bwa shi apete lwalulo lwi buwa?

• Tumbula muntu akuteemesha. Kunyima kwa mufundji “kwaluula Yesu kalolo,” Yesu bamutumbwile. (Mak 12:34) Mbikunyi byodi mulombeene kutumbula muntu bakwaluula ku lukonko?

TALA KIPINDJI KYA KUMPALA KYA VIDEO A: KITA MUDIMO UBAKITSHIINE YESU​—LONGYESHA, AKUPU WALUULE INO NKONKO AYILONDO:

• Bwakinyi kino nkileshesho kya kulongyesha kibubi, sunga byekala shi myanda y’akula ngya binyi?

• Bwakinyi tatwi balombeene penda kwimeena mu kupatuula myanda?

TALA KIPINDJI KYA KABIDI KYA VIDEO, AKUPU WALUULE INO NKONKO AYILONDO:

• Bikunyi bibeele mukwetu nkonko kalolo?

• Myanda kinyi dingi ya mu mushindo waye wa kulongyesha yatudi balombeene kwambula?