Yesu badi mufwe namu mpa na bwa mukwenu

Yesu badi mulambule muwa waye bwa bantu bakutwe kupwidika. (Lom 5:8) Eyendo shi atusangelaa kifulo kya Yesu bibetulesheshe kifulo pa kutusha muwa waye bwetu. Anka, twi na kya kutentekyesha ingi nsaa shi Kidishitu badi mufwe namu bwa bakwetu. Twi kulesha kifulo kya bwina Kidishitu kwi bakwetu balume na bakashi bakutwe kupwidika byatudi naminyi? Tutalule mishindo isatu. Wa kumpala, twi kutamisha bu kuuku bwetu kushii penda na bantu batudi nabo myanda i mumune. (Lom 15:7; 2Kod 6:12, 13) Wa kabidi, abitungu tupasukye bwa kupela kwakula sunga kukita bintu bi kufiitshisha bangi munda. (Lom 14:13-15) Akupu, su muntu betulwishisha, abitungu twikale na bukidi bwa kumufwila lusa. (Luk 17:3, 4; 23:34) Su atwitatshisha bwa kwambula Yesu mu ino mishindo isatu, Yehowa atungunuka na kwelela kakongye myabi bwakadya kwikala mu butaale na mu buumune.

TALA VIDEO AKULA SHI NYINSHA KWIKALA MUNTU E BUWA! AKUPU WALULE KU INO NKONKO AYILONDO:

• 

  Miki bapushishe naminyi pabitale kakongye kaye ku mbangilo?

• 

  Kinyi kibabamutakwile bwa kushintuluka?

• 

  Kileshesho kya Yesu kibadi kikwashe Miki bwa kulumbula mweneno aye naminyi? (Mak 14:38)

• 

  Mukanda wa Nkindji 19:11 wi kwitukwasha bwa kwikala na mweneno e buwa a bakwetu bena Kidishitu naminyi?