Tulongamisheyi mayele eetu mu mudimo wa bulungudi—Kufunda kwa mikanda kalolo

BWAKINYI BI NA MUULO: Mukanda wa 1 Beena-Kodinda nyi ngumune wa ku mikanda 14 ibabafundile kwi Mpoolo bwa kunyingisha bena Kidishitu. Muntu p’afundu mukanda e na nsaa ya kusangula bishima kalolo mwanda be kwiubadika misango na misango kwi muntu eupete. Kufunda mikanda nkwikale kipaso kibuwa kya kutusha bu kamonyi kwi bena kifuko neetu na bantu batwiukeena nabo. Ngwikale dingi mushindo wibuwa wa kutusha bu kamonyi kwi bantu batushii na ngobesha ya kwisamba nabo. Bu kileshesho, muntu e kulesha lukalo kadi byekala bukupo bwa kumupeta ku nshibo. Muntu e kwikala mu teritware eetu kadi e mu lupango lwabalamaa kushii bya kutwela kwadi. Mwanda kinyi watudya kutula mu binangu bikishekishe nsaa yatufundjila muntu mwenyi a mu dingi eumbo mukanda?

BYA KWIBIKITA:

• 

  Funda myanda ibodya kwakula su we naaye paapa. Elubule ku mbangilo kwa mukanda na kupatula kalolo bwakinyi bomufundjila wanka. Akupu, we kwela pangi lukonko alutakula muntu bwa kunangushena na kumulayila mu site eetu. Mulungule pabitale kulonga kwa Malongyesha a Bible ku Internet sunga kumulungula pabitale programe a kulonga naye Bible ku nshibo, na kuteemuna umune wa ku mitwe ya myanda ya ma shapitre a mikadna yatulongaa nayo bantu. Twi kwimwela bintu bu karte ka site eetu, esaki dya lwitamino sunga trakte

• Akula mu kikoso. Funda mukanda oobe na mayi akumbane bwa shi eubadika t’akookanga kumpala kwa kuuka ki mwanka.—Tala mukanda wa kileshesho wi mwisaki dya 8

• Badikuula bwa kumona pe bilema na apatungu kulumbuula na kushinkamisha’shi aupushika na bishima bya bu kuuku, bibuwa na byakudibwe na mayele