“Tatubofulanga ku mashimba”

4:16-18

Banda kupwandikisha bifuko bibidi bishale mu kishibo kimune kikata kipwe kulwila ngofu. Kifuko kimune akimweneka bu kishi na lukulupilo. Mwanda wa kukanya, kingi kifuko ki na muloo. Bwakinyi? Kifuko kya kabidi akikatwele binobino mu nshibo ipya ibuwa.

Sunga byekala’shi “bipangwa byoso bi mu mitanyo bikii mu kufwambuka,” bafubi b’Efile Mukulu be na lukulupilo alwibapa bukome. (Lom 8:22) Atushinguula’shi makyenga atudi nao binobino, sunga apwe kwitukyengyesha munda mwa bipwa makumi, ‘ngapêla na nga mafuku apêla’ nsaa yatwiapwandikisha na muwa wa looso mu Nsenga ipya y’Efile Mukulu. Kutuula binangu ku myabi ya Bufumu akwitukwasha bwa kwikala na muloo na kupela kubofula ku mashimba.