Okwete kupeta bukwashi mu mukanda wa Tutaluleyi Bifundwe efuku dyooso?

Mu myanda ya mukikudi yokitaa mwi kubadika kwa Bible na kutaluula Bifundwe efuku dyoso ku bukwashi bwa ka mukanda keetu ka Tutaluleyi Bifundwe efuku dyooso su? Su tokitaa byabya, wemulombene kwibikita? Bantu be buungi ababadikaa kifundwe kya kwifuku nakashika, kukita kwa bino akwibakwasha bwa kunagushena pa kyanka pabakwete kukita midimo yaabo ya kwifuku. (Yos 1:8; Mis 119:97) Wemulombene kukita kinyi bwa kupeta bukwashi bwibungi ku kifundwe kya kwifuku dyoso? Badika ma verse e kunundu na e kuushi kwa kyakya kifundwe bwa kuuka mwanda wabesambila mwanka. Tompa kwela binangu pa eyi dya kulonda dya mu Bible dya badi bashimikye kasele mu kino kifundwe. Akupu, tumikila dyadya eyi dya kulonda mu nshalelo oobe. Nsaa yota bitshibilo na kulonda eyi dy’Efile Mukulu, adifubisha nshalelo oobe na opete bukwashi bwa binyibinyi.​—Mis 119:105.

Bifuko bya bena Betele mu nsenga ishina abitalula kifundwe kya kwifuku nsaa yabakwete kudya kunakashika. Mu ano mafuku, miisambo i bungi ya lulangwilo lwa kunakashika bakwete kwiyela mu televizion a JW pa mbalo ifunde’shi MYANDA NA MIISAMBO. Musango kinyi wa nfudilo oodi mutale umune wa ku ino miisambo? Misango ibungi ino miisambo ayakwila myanda yodi nayo lukalo ngofu. Bu kileshesho, mwisambo wa Loota ngulombene nkukwasha naminyi nsaa yoota bitshibilo?

TALA VIDEO AMBA’SHI: TANUFULANGA BYA PA NSENGA (1YO 2:15), AKUPU WALULE KU INO NKONKO AYILONDO:

• Eyi kinyi dya kulonda dibaadi bu kitako kya luno lulangwilo lwa kunakashika?

• Mwisambo wa Loota aulesha naminyi masaku a kufula uno ndumbulwilo na bintu bi panka?​—Kib 13:12; 14:12; 19:3, 12, 13, 24-26

• Mbikunyi byatudi balombene kulesha’shi twibafule Yehowa na tatwibafule uno ndumbulwilo na bintu bi panka?