Nkinyi kyatudi balombene kulongyela kwi bena Kidishitu bapwe kufuba ngofu?

Mu tukongye twetu twina bantu bapwe kufuba ngofu mu mudimo wa Yehowa. Twibalombene kulongyela kwabadi mu mushindo ubabadi bakulupile Yehowa. Twibalombene kwibela nkonko pabitale ndumbulwilo a Yehowa na nkalakashi yabadi bafumankane nayo, na byabadi beyipudishe ku bukwashi bwa Yehowa. Twibalombene kwitanyina umune a ku bano bakwetu kwitulondela myanda yaadi mumone nsaa ya lulangwilo lwa mu kifuko.

Su we mwina Kidishitu mupwe kufuba ngofu, lesha bi lukumiino lobe kwi bansongwa bena Kidishitu. Yaakobo na Yoosefe babadi baleshe bana baabo lukumiino lwabo. (Kib 48:21, 22; 50:24, 25) Kunyima Yehowa baadi mutekye bwa’shi banfumu ba bifuko balongyeshe bana baabo midimo ya bukome yaaye. (Miy 4:9, 10; Mis 78:4-7) Ano etu mafuku, baledi na bangi bakwetu ba mu kakongye mbalombene kululongyesha bansongwa myanda ibuwa yabadi bamoone Yehowa akitshi mu ndunbulwilo aye.

TALA VIDEO AMBA’SHI: LAMA BUUMUNE MU MAFUKU ABADI BAKANDJIKYE MIDIMO YEETU NA WALUULE KU INO NKONKO AYILONDO:

• Betele a mu Autriche baadi mukwashe bakwetu ba mu maubo ababadi bakandjikye midimo yetu naminyi?

• Bakwetu ba mu ano maubo baabadi balame lukumiino lwabo lunyingye naminyi?

• Bwakinyi balungudi bebungi ba mu Roumanie babaadi bende kula na ndumbulwilo, na babaadi balukiile namiyi?

• Uno mwanda aunyingisha lukumiino lwetu naminyi?