Ata kipwano kyobe na Yehowa na muulo

Ba Temwe ba Yehowa be na kineemo ki pabwakyo. Bu byatudi bena Kidishitu belambule na babatshishibwe, atutungunukaa na kunyisha kutamisha kipwano kyetu kya pabupenka na Mwanana Mfumwetu Yehowa. Mmwitukakye kwadi kukiila kwi mwan’aaye. (Yo 6:44) Ateemeshaa nteko yetu.​—Mis 34:15.

Mmushindo kinyi watudya kulama kipwano kyetu kibuwa n’Efile Mukulu? Abitungu tusuukye kukita myanda ibubi ibaadi ikite bena Isaleele. Mafuku apeela nabo kukita kilombeeno na Yehowa, abakitshiine kana ka ngombe ka kyamo kya oòlo na abo nkufika balangwidi ba ma nkishi. (Efi 32:7, 8; 1Kod 10:7, 11, 14) Twikwiyipusha’shi: ‘Nakitaa kinyi nsaa yandi kumpala kwa kitompwanga? Bikitshi- no byande abileesha’shi nataa kipwano kyande na Yehowa na muulo su?’ Kifulo kibukopo bwa Nshetu e mwiyilu akitukwasha bwa kusuuka myanda yadi mushikwe.​—Mis 97:10.

TALA VIDEO AMBA’SHI: LAMA KIPWANO KYOBE NA YEHOWA (KOL 3:5), AKUPU WALUULE INO NKONKO AYILONDO:

• Lwabi nkinyi?

• Bwakinyi abitungu tusumbushene malaka na lulangwilo lwa ma nkishi?

• Nkwipushena kinyi kwi pankatshi pa lusandji na lulangwilo lwa ma nkishi?

• Bwakinyi abitungu bikishekishe baaba be na mashito mu ndumbulwilo bashinkamishe’shi abapasukilaa nkalo ya bena dibaka naabo?