Kampanye ka pabwako mu mweshi w’ekumi na umune bwa kulungula Bufumu bw’Efile Mukulu

Yesu balungwile “mukandu wibuwa wa Bufumu bw’Efile Mukulu.” (Luk 4:43) Baadi dingi mulongyeshe bantu bya kuteka bwa bwabwa Bufumu. (Mat 6:9, 10) Mu mweshi w’ekumi na umune atukakitshi mwetu mooso bwa kulungula Bufumu bw’Efile Mukulu ngofu. (Mat 24:14) Lumbuula programe oobe bwa’shi omone bya kulungula ngofu mu kaaka kampanye. Baaba booso abafubu bu ba mbala-mashinda bakwashi, mbalombeene kusangula bwa kutuusha nsaa 30- sunga 50-itekiibwe mu wawa mweshi.

Su kwi mushindo, fubisha kifundwe akyakwila Bufumu bw’Efile Mukulu bwa kwisamba na bantu be bungi mu teritware oobe. Nsaa y’osangula kifundwe, otuule mu binangu lulangwilo lwa bantu abakuteemesha. Su muntu baleesha lukalo nsaa y’anwisamba naye bwa musango wa kumpala, mupe Kitenta kya Mulami kya bantu booso kya No. 2 2020. Omwalukiile kushii kunyengakana na otompe kulonga naye Bible pa kufubisha mukanda wa mu kashete keetu ka biina mudimo. Nsaa ibashaala ngipeela kumpala kwa’shi Bufumu bw’Efile Mukulu busoose mafumu ooso a bana ba bantu. (Nda 2:44; 1Kod 15:24, 25) Byabya, tukite mwetu mooso bwa kufubisha kino kipungo kipabwakyo bwa kuleesha lulamato lwetu kwi Yehowa na Bufumu bwaye!