Tulongamisheyi mayele eetu mu mudimo wa bulungudi​—Bulungudi bwa ku Telefone

BWAKINYI BI NA MUULO: Bulungudi bwa ku telefone nyi mushindo wibuwa wa “kuleesha bu kamonyi ka mukandu wibuwa.” (Bik 20:24)a Abwitukwashaa bwa kutusha bu kamonyi nsaa yatushii na mushindo wa kwimonena na muntu.

BYA KWIBIKITA:

• 

  Elumbuule. Sangula mutwe wa mwanda ulombane. Akupu oshimikye kasele pa kyakya ky’okumiina kwakula. We mulombene dingi kulumbuula ka mesaje keepi akapatuula kepatshila ka kwitanyina kobe, ku lungi lupese we kwikatuma. Bibuwa oshaale pa mesa oobe na mwisambo oodi mupwe kulumbuula na bingi bintu byodi nabyo lukalo, na telefone oobe mupwe kutwela mu JW Library^® sunga mu jw.org^®

• 

  Ikala mwishinkye. Wakule nka byokulaa. Sepa na kusanyisha mbidi nkabu’shi yawa muntu mmulombene nkumona. Leka kwimik’emika mwisambo. Bibuwa kufuba pamune na bangi. Su sha nshibo bele lukonko, welwambuule n’eyi dibukopo bwa’shi mulungudi n’oobe apushe na akukwashe bodya kupeta lwaluulo

• 

  Leka lukonko lwa kutaluula mususa aufiki. Su muntu baleesha lukalo, we mulombene kuleka lukonko lwa kwaluula p’omwitanyina mususa aufiki ku telefone. We kumutumina dingi obe nabene mesaje sunga kumutumina mwisambo kampanda wi mu mukanda. Na we mulombene kulombasha ku mesaje oobe umune aku ma video eetu sunga miisambo ya mu mikanda yetu