Mishindo isatu ya kukulupila kui Yehowa

Davide badi mutshokole Goliate muanda badi mukulupile kui Yehowa. (1Sam 17:45) Yehowa akuminaa kulesha bukome buaye kui bafubi baye pa kuibanyingisha. (2Mya 16:9) Mbikunyi biatudia kukulupila ku bukuashi abuitupa Yehowa, kushi ku kiukilo na ngobesha yetu? Tala mishindo isatu:

• Ikala na kiubishi kia kuteka. Kushi kuteka penda lusa kunyima kuatue kukita muluisho, kadi tutekie bukome nsaa yatudi kumpala kua kitompuanga. (Mat 6:12, 13) Kushi kuteka penda bua’shi Yehowa elele bitshibilo bietu biatudi bapue kuata muabi, kadi tumutekie buludiki buaye na binangu biaye kumpala kua kuata bitshibilo.​—Shak 1:5

• Ikala na kiubishi kia kuibadikila Bible na kumuilongiela. Badika Bible efuku dioso. (Mis 1:2) Nangushena ku bingi bileshesho bia mu Bible, na otumikile biokuete kulonga. (Shak 1:23-25) Ikala welumbula kumpala kua kuenda mu bulungudi, kushi kukulupila penda mu mianda y’atuuku. Bisangilo bia kakongie bi kuitukuasha p’atuibilumbula bioso kumpala kalolo

• Fuba pamune na ndumbuluilo a Yehowa. Tungunuka na kulonda buludiki abutusha ndumbuluilo na kuibulonda musango umune. (Mb 9:17) Temeesha bakulu nsaa y’abatusha malango na mianda ya kukita.​—Eb 13:17

LESHA VIDEO AMBASHI: TAKUI KABINGILO KA KUTSHINA KUBINGUBINGUA, AKUPU NUALULE KU INO NKONKO AILONDO:

• Mianda kinyi ibadi ifumankane nayo bakuetu balume na bakashi ibadi ibatshinyishe?

• Nkinyi kibadi kibakuashe bua kukambila wawa moo?