LUBINGO LUA 29/7/2024–4/8/2024
MISAMBO 69
Loono 13 na luteko | Mayi a mbangilo (Mun. 1)
1. Mianda ibakitshikile mu nshalelo a Yesu y’abadi batemukie mu Misambo 69
(Min. 10)
Yesu abaadi bamushikue ku’shi muanda (Mis 69:4; Yo 15:24, 25; w11-F 15/8 11 ¶17)
Yesu baadi na kisumi bua nshibo ya Yehowa (Mis 69:9; Yo 2:13-17; w10-F 15/12 8 ¶7-8)
Yesu baadi mukengie n’eshimba ngofu na abo nkumupa nfinyo isangie na kintu ki buulo bua kutoma (Mis 69:20, 21; Mat 27:34; Luk 22:44; Yo 19:34; g95-F 22/10 31 ¶4; it-2-F 600)
BUA KUNANGUSHENA: Buakinyi Yehowa baadi mufundishe matemuki pabitale Mesiya mu Bifundue bia kina Ebelu?
2. Mabue a muulo a mu kikudi
(Min. 10)
Mis 69:30, 31—Mbikunyi bilombene ino verse kuitukuasha bua kulongamisha nteko yetu? (w99-F 15/1 18 ¶11)
Mabue kinyi a muulo odi mupete mu kubadika koobe kua Bible kua luno lubingo?
3. Kubadika Bible
(Min. 4.) Mis 69:1-25 (th dilongiesha 2)
4. Ikala na luishinko: Kibaadi Yesu mukite
(Min. 7) Muisambo na bantu. Lesha VIDEO, na nuisambile dilongiesha 8 dia broshire a lmd kikoso 1-2.
5. Ikala na luishinko: Ambula Yesu
(Min. 8) Muisambo na bantu wimeene mu broshire a lmd dilongiesha 8 kikoso 3-5 na “Tala dingi.”
Loono 134
6. Nkalo ya kakongie
(Min. 5)
7. Mayi a kulonda bua lulanguilo lua mu kifuko
(Min. 10) Muisambo na bantu.
Mu mueshi wa Kumpala 2009, kisangilo kia kulonga kua mukanda mu kakongie, kia kalasa ka mudimo wa teokrasi na kisangilo kia mudimo babaadi bebibungie mu kisangilo kimune kia munkatshi a lubingo. Bino bibaadi bipe bifuko mushindo wa kuikala na kiolua kimune bua lulanguilo luabo lua mu kifuko ku lubingo loso. Be bungi mbaleshe lutumbu bua ino mpango ibakuashe bua kuifubuila pepi na Yehowa mpa na bena kifuko naabo.—Miy 6:6, 7.
Mayi kinyi a kulonda a mu Bible alombene kukuasha ba nfumu ba bifuko buabadia kuikasha lulanguilo lua mu kifuko lui buwa?
Elukiteyi lubingo loso. Su kui mushindo, sangulayi nsaa ya kukitanga lulanguilo lua mu kifuko lubingo loso. Ekalayi belumbuule bua kukita lulanguilo lua mu kifuko dingi efuku su kuamueka muanda wa kuinukutshisha kui lukita efuku dia nuikele basangule.
Bua kuilumbuula. Esambe na mukashi’obe, ingi nsaa we kuipusha na bana buabadia kutusha biabo binangu. Tabitungu kuilumbuula kuate nsaa ibungi, bikishekishe su kifuko akikita’anka mianda imune lubingo loso
Kitayi programe muyile nkalo ya kifuko. Apende bana na kukula, nkalo na ngobesha yaabo ayishintuluka, abitungu’shi programe oobe akuashe muntu oso bua kukula mu kikudi.
Kita bia’shi nsaa ya lulanguilo ikale ibuwa na ya muloo. Ingi nsaa nui kukitshina lulanguilo lua mu kifuko pasha apakidi kapapi ke buwa. Nui bulungantu bua kuata kapindi ka kuikisha. Sunga biekala buwa kuisambila nkalakashi ya mu kifuko, tanuatanga nsaa ya lulanguilo lua mu kifuko bua kunyooka sunga kutopeka muntu kampanda a mu kifuko.
Ekalayi anulongo mianda ilekene. Bu kileshesho, nui kulumbula kipindi kia bisangilo abifiki, kutala video e mu jw.org na kumuisambila sunga kulumbuula mianda yanukesambila mu bulungudi. Sunga biekala’shi abitungu nuikale anuisamba boso mu lulanguilo lua mu kifuko, muntu ekuata dingi nsaa ya kuilongiela pa bupenka
Esambileyi luno lukonko:
Mushindo kinyi odi mutompe kutumikila ano mayi a kulonda mu lulanguilo luenu lua mu kifuko?
8. Kulonga Bible mu kakongie
(Min. 30) bt-F shap. 13 ¶8-16, kashibo ke muisaki 105