Otentekiesha su?

We mubadikie kalolo Kitenta kia Mulami kia mueshi oso bua kino kipua su? Tompanga su we kualuula ino nkonko ayilondo:

Mmushindo kinyi watukapete efuto su tubakisha nsaa ya kuisamba, kuteemesha, na kunangushena pabitale Yehowa?

Atuata bitshibilo bi buwa, atuikala balongieshi be buwa, lukumino lobe alunyingi, na nkifulo kiobe bua Yehowa akinyisha kutama.​—w22.01, Esak. 30-31.

Mbukuashi kinyi buatupete su tubalongo bia kukulupila mui Yehowa na mui bantu abalesha mpala yaye?

Atulesha’shi tui bakulupile mu mushindo aukitaa Yehowa mianda, p’atukookiela buludiki bu’atupete mu ndumbuluilo aaye, na kui bakulu na kino nta nkipungo kia nkekadika na mpaka, tui balombene nkapeta buludiki, abumueka bu buibukopo kupusha, sunga kutumikila. Su tuakulupila mu buludiki buatukuete kupeta lelo uno, na kuibutumikila lubilo lubilo, ngi bi’atukakitshi mu kipungo kia mpombo ikata.​—w22.02, Esak. 4-6.

Muikeyilu baadi akiebe kulesha kinyi nsaa ibalunguile Sekadya pabitale “kumona guvernere [muina Yuda] Zorobabele mmukuate mooshi wa kupima nao kitako kia nshibo”? (Sek. 4:8-10)

Muikeyilu ubashinkamiishe muilo w’Efile Mukulu’shi, sunga ntempelo amueka bu peela abitungu numukite nka biabia biadi, na lulonde nka miya yoso y’abenupa kui Yehowa.​—w22.03, Esak. 16-17.

We “kileshesho . . . mu kwakula” mushindo kinyi? (1 Tim. 4:12)

Akula na kalolo na kaneemo mu mudimo wetu wa bulungudi, ikala oyimbi n’eshimba diobe dioso na dingi kutusha ngaluulo mu bisangilo, na akula mianda ya binyibinyi na ayingisha bangi, Shikua mishindo yoso ya “kukâna mulomo”.​—w22.04, Esak. 6-9.

Buakinyi nyema yoso inanka yabadi baleshe mu mukanda wa Ndanyele shapitre 7 i nka na bino bintu bimune bifuaneene, aku namu mu mukanda wa Kibafumbwilwe bino bintu bioso atuibipete ku nyema umune kushi ku nyema ya bukielo inanka ilekeene bu abilesha Kibafumbwilwe 13:1, 2?

Uno nyema umune a bukielo a mu Kibafumbwilwe 13, t’alesha penda guvernema umune sunga penda ampire umune a mu nsenga bu bena Loma nya. Kadi uno nyema a bukielo dingi, mmulombene kulesha makome ooso a politike abaadi amunane kubanga kasha muntu bekeele kuanka mpaa na bu lelo.​—w22.05, Esak. 9.

Nkinyi kikale bu mushindo watulesha’shi tui bakulupile kululama kua Yehowa?

Su muntu kampanda mmuitukee, etutapa kuishimba ngofu, sunga kuitukitshina muluisho, atuikitshisha bua kuleka nsungu na mushikua. P’atutuulu mianda yoso mu maasa a Yehowa, akatusha ino mianda yoso i bubi yabakuete kufuisha kui miluisho.​—w22.06, Esak. 10-11.

Abitungu mukuetu mulume abadi bape bushito bua kuela luteko mu bisangilo alamine kinyi mu binangu biaye?

Luteko t’alufubishuaa bua kulanga bangi mu kakongie, sunga bu kutuusha ngukisho nya. Bikishekishe kumbangilo kua bisangilo, t’abitungu’shi “akule mianda i bungi” nya. (Mat. 6:7)​—w22.07, Esak. 24-25.

Mu mushindo kinyi amukekala “baaba bakite bi bubi” abakapete “lusaangukilo lwa kiimu”? (Yowano 5:29)

T’abakebatshibila kiimu ki bubi nya, kiimu kiabo tankitale mianda ibabadi bakite kala mu nshalelo aabo nya. Anka muyile bikitshino biabo na muikeelo wabo kunyima kua lusangukilo nsaa yabakebataluula.​—w22.09, Esak. 18.

Mmuisambo kinyi aunyingisha ubabakitshine kui mukuetu J. F. Rutherford ku Kikongeeno mu Mueshi wa 9/1922?

Mu kikongeeno kibaadi kiende nkumo kibakitshikile mu Cedar Point, Ohio, mu État-Unis mukuetu Rutheerford bambile’shi: “Mfumu kuete kumunana! Anue nui balungudi baaye. Nyi buakinyi lungulaayi, lungulaayi, lungulaayi Mfumu na Bufumu bwaye!”​—w22.10, Esak. 3-5.

Mu Yeeshaya shapitre 30 amushimika kasele pa mianda kinyi isatu, ikale Yehowa akuashaa nayo bafubi baye buabadia kunyingila nkalakashi?

Uno shapitre alesha’shi (1) A teemesha kalolo na kualula ku nteko yetu, (2) kuitupa buludiki, na (3) kuituelela miabi binobino na mu mafuku aafiki.​—w22.11, Esak. 9.

Buakinyi tui kuamba’shi mayi e mu Misambo 37:10, 11, 29 abaadi alombane kala na aakalombana dingi mu mafuku aafiki?

Mayi a Davide abaadi aleshe dingi mushindo ubaadi ulombene kuikala nshalelo na miabi mu bufumu bua Solomonyi. Yesu baadi muakuile pabitale Mpaladiiso pa nsenga mu mafuku aafiki na bateemuine verse 11. (Mat. 5:5; Luk. 23:43)​—w22.12, Esak. 8-10, 14.