Mayele A Kulonga

Okumiina kubadika nshalelo a bakuetu balume na bakashi su?

Ungi mulume na mukashi ababadikaa nshalelo a muntu namashika ooso abamba’shi: “Abitunyingishaa na kuituikasha na muloo pa kubadika ino miisambo! Ayitutentekiesha’shi n’atue namu, tui balombene kuikadika na lulamato mu nkalakashi yooso ya mu nshalelo.” Mukuetu mukashi baadi epusha bino naye namu bafundile’shi: “Ino miisambo ya nshalelo a muntu ayinyingishaa, ayintakulaa mu kukita kintu kampanda, na kunkuma kuishimba ngofu. Nshalelo a bakuetu balume na bakashi e na kepatshila, na e buwa bukile. Nshalelo aabo antakulaa buandia kukita bi bungi mu mudimo wa bulungudi, na kunkuasha buandia kukunkusha bana bande buabadia kutuela mu mudimo wa nsaa yooso buabadia kufubila Yehowa.”

Miisambo ya nshalelo a muntu ngilombene nkutakula bodia kuata bipatshila bia kukita bi bungi mu mudimo wa Yehowa, bua kukambila kubofula koobe, kunyingiila nkalakashi i bukopo na muloo na kuikadika na kineemo. Mmushindo kinyi oodi mulombene kupeta miisambo ya nshalelo a muntu?

• Taluula miisambo ya nshalelo a muntu ayamba’shi “Biographies de Témoins de Jéhovah” i mu jw.org sunga mu JW Library®.

• Kimbuula pa mbalo ifunde’shi “Biographies de Témoins de Jéhovah” mu mikanda i mu INTERNETE mu LIBRARY sunga mu mikanda i mu JW Library.