Bible akula kinyi pabitale kulanguila ku bukuashi bua bifuatulo?

Muyile ungi jurnale (Catholic News Service) pabekalanga mu nshibo ya Saint-Pierre muifuku dia 25/3/2022, Pape Francis ekeele muimane kumpala kua nkishi a Mariya “mmuiname apuuta ku meso, kuete kuteka munda munda.” Baadi “asendeela Mariya” bua’shi ayikashe butaale. Ungi jurnale a Vatican News baadi mukumbashe’shi: “Pape baadi atekie bua’shi Mariya alame muilo oso, bikishekishe bantu ba mu Russie na ba mu Ukraine.”

Opuandikisha naminyi? Bi buwa kuteka kumpala kua ma nkishi sunga kuiafubisha mu lulanguilo luetu su? Banda kutaluula bino bifundue abilondo:

• ‘Tokitanga nkishi, sunga kintu kilombeene kwikala mu kipwandjikiisho kya bii mwiyilu’mwa mula, pa nsenga pano paashi, sunga mu meema muushy’a nsenga bwa kwibilangwila. Tolangwilanga bangi beefile, twebafubilanga, mwanda nnaami Yehowa, Efile Mukulu oobe, Efile Mukulu sha mukao.’​—Efilu 20:4, 5.a

• “Nkishi yaabo ya kyaamo ky’ebakanyi na oolo, mbintu bya ku maasa a muntu: ii na kukanwa, anka taayaakulaa nya; ii na meeso, anka taayimonaa nya; ii na matwi, anka taayipushaa nya; ii na mpembe, anka taayilulaa nya; na mayasa, anka taayikumaa nya; na ngwa, anka taayitambukaa nya; taayitushaa eyi sunga dipeela mu midibu yaayo. Beekite beeyiifwane, na booso abakulupila kwayidi.”​—Misambo 115:4-8.

• “Nnaami Yehowa, dyaadya ngi eshina dyande; ntumbo yande ntanneyipa bangi, sunga nkupa nkishi nkumo yande.”​—Yeeshaya 42:8.

• “Sukayi kulangwila mankishi.”​—1 Bena Kodinda 10:14 EMM.

• “Elameyi ku mankishi.”​—1 Yowano 5:21, Kilombeeno kipya 2014.

Bua kuuka mianda ibungi pabitale abiakula Bible bua kufubisha mankishi mu lulanguilo, badika muisambo awamba’shi: “D’après la Bible: Les images religieuses” sunga kubandila video amba’shi: Efile Mukulu akumina kumulanguila ku bukuashi bua bifuatulo su?

Pangi we kukumiina bua kubadika abiakula Bible pabitale ino miisambo:

• “La Vierge Marie: Que dit la Bible à son sujet?”

• “Devrait-on prier la Vierge Marie?”

• “Miracles et apparitions​—Des manifestations divines?”

• “La paix dans le monde: comment sera-t-elle établie?”

Akufiki ma foto: Vincenzo Pinto/AFP via Getty Images