Bwakinyi ba Temwe ba Yehowa abendaa kwi bantu be na byabo bipwilo?

Twi bamone shi bantu bebungi be na byabo bipwilo abakuminaa kwisamba myanda itale Bible. Eyendo shi atunemeka nangunangu ya bantu bashi na lukumino lwi mumune na lwetu, na tatwibatumaa ku bukopo bwashi bakumine mukandu wetu nya.

Patwisamba myanda itale bipwilo, atukitaa mwetu mooso bwa kulonda elango dya mu Bible adyamba bwa kwisamba na “kufukama” na kulesha “kineemo” bwa bangi. (1 Mpyeele 3:15) Atuuku shi bangi tabakyebe kukumina mukandu wetu nya. (Mateo 10:14) Anka, tatuwuku mushindo ukumbeene kukita muntu kumpala kwa kwisamba naaye nya. Atuuku dingi shi myanda ngikumbeene kushintuluka mu nshalelo a bantu.

Bu kileshesho, mukumbeene kukutwa nsaa ya kwisamba netu efuku kampanda, kadi e kwikala na muloo wa kwisamba netu dingi efuku. Na dingi bantu mbakumbeene kufumankana na myanda kampanda ayitungu kupudisha, ukumbeene kumufwisha mu kusangala na mukanda wi mu Bible. Byabya atwitatshishaa bwa kwisamba na bantu nsaa yooso yatupete mushindo.