Ba Temwe ba Yehowa nyi mbeena Kidishitu su?

Oolo. Twi beena Kidishitu mwanda:

• Atulondaa kalolo malongyesha na mwikeelo wa Yesu Kidishitu.​—1 Mpyeele 2:21.

• Twi na lukumino shi Yesu ndjo lufungula lwa kipandjilo; atuuku shi “takwi dingi eshina muushi mw’eulu nya, dipeebwe munkatshi mwa bantu, dilombeene twakapaandila kwadidi.”​—Bikitshino 4:12.

• Bantu abafiki bu ba Temwe ba Yehowa, ababatshishibwa mwishina dya Yesu.​—Mateo 28:18, 19.

• Atwelaa nteko yeetu mwishina dya Yesu.​—Yowano 15:16.

• Atuuku shi Yesu nyi Nfumu, aye ndjo abadi basangule bwa kwikala na bufumu, kunundu kwa bantu booso.​—1 Beena-Kodinto 11:3.

Sunga mbyabya, mu myanda ibungi, twi belekeene na bingi bipwilo byabetanyinaa bu bya beena Kidishitu. Bu kileshesho, atuuku shi Bible alongyesha shi Yesu nyi Mwana a Efile Mukulu, te mu busatu bwiselele nya. (Maako 12:29) Tatwi bakumine shi muntu e na kintu kampanda kisha kifwiyaa kunyima kwa lufu lwa mbidi nya, atuuku shi Bible talongyesha shi Efile Mukulu akyengyeshaa bantu mu kaalo ka looso nya, sunga shi baaba bakwete kukunkusha myanda mu kipwilo bekale na myasu ayibatuulu kunundu kwa bakwabo beena Kidishitu nya.​—Mulungudi 9:5; Ezekyele 18:4; Mateo 23:8-10.