Nnanyi baadi mutuushe kipwilo kya ba Temwe ba Yehowa?

Ndumbulwilo a ba Temwe ba Yehowa ba ano mafuku baadi mubangye ku nfudilo kwa bipwa 1800. Mu aa mafuku, kasaka kapela ka balongi ba Bible babaadi bashaale pepi na Pittsburgh, mu Pennsylvanie, mu États-Unis, bababangile kulonga na kulondoola malongyesha a mu Bible. Abaadi abatala kwipushena kwi pankatshi pa malongyesha a bipwilo na myanda ayilongyesha Bible. Ababangile kufunda myanda ibabadi abalongo mu mikanda, ma jurnale, na mu jurnale atwitanyina lelo bu Kitenta kya Mulami​—Akilungula Bufumu bwa Yehowa.

Umune a ku baaba balongi ba Bible baadi Charles Taze Russell. Sunga mbibaadi Russell mukunkushe mudimo wa kulongyesha bantu Bible mu aa mafuku na bibaadi bu mufundi mukata a Kitenta kya Mulami, tabaadi mutuushe kipwilo kipya nya. Kibaadi akikimbi Russell na bangi Balongi ba Bible, bu bibabadi abebetanyi aa mafuku, nyi nkukwasha bantu bwashi baukye malongyesha a Yesu Kidishitu na bwashi balonde bikitshino bya beena Kidishitu ba kumpala. Bu bi Yesu nyi baadi mutuushe bwina Kidishitu, aye nyi mutuushe ndumbulwilo etu.​—Beena-Kolose 1:18-20.