Ba Temwe ba Yehowa mbeena mishonyi su?

Nya. Ba Temwe ba Yehowa nyi mbeena Kidishitu, kadi atwe banabeene t’atwimonaa bu beena mishonyi nya. Bwakinyi?

Beena mishonyi abebetanyinaa bu “balangwidi abaadi batombokye mu kipwilo kya Katolike ka ku Rome.” Mbinyibinyi shi, ba Temwe ba Yehowa t’abakuminaa malongyesha a kipwilo kya Katolike nya, byabya, atwe banabeene t’atwimonaa bu beena mishonyi bwa ino myanda ayilondo:

1. Myanda ibungi y’abakuminaa kwi beena mishonyi ngikutwene na akilongyesha Bible. Bu kileshesho, Bible alongyesha shi “Efile Mukulu e’nka umune,” t’e mu b’Efile basatu nya. (1 Timotee 2:5; Yowano 14:28) Na Bible alongyesha dingi patooka shi Efile Mukulu anyokaa bantu babi, kushii kwibeela mu kaalo ka looso, kadi ebabutula bwa losoo.​—Misambo 37:9; 2 Beena-Tesalonika 1:9.

2. Tatwi beena Katolike batombokye na t’atutompaa kukituula kipwilo kya Katolike sunga kingi kipwilo kyooso nya. Mu kwilekeena na byabya, twi penda balungudi ba mukandu wibuwa wa Bufumu bw’Efile Mukulu, atukitshi bukopo bwa kukwasha bangi bwa kutamisha lukumino lwabo mu mukandu wibuwa. (Mateo 24:14; 28:19, 20) Ta twi kwanka bwa kukituula bipwilo nya, kadi twi kwanka bwa kulongyesha bantu booso bya binyibinyi pabitale Efile Mukulu na Eyi dyaaye, Bible.​—Beena-Kolose 1:9, 10; 2 Timotee 2:24, 25.