Mushindo kinyi omonaa mafuku e kumpala?

AKYAMBA BIBLE

Efile Mukulu . . . akebakumuna mpolo yoso i ku meeso kwabo, takukekala’nyi lufu, sunga maalo, sunga nkudila mpolo, sunga mitanyo ooo, mwanda bintu bya kala abikashimina.”​—Bifumbulwe 21:3, 4, Kilombeno kipya.

KYODI MULOMBEENE KUPETA SU WE MUTUULE LUKULUPILO MU WAWA MULAYILO

Mufubo wibuwa na wi na muloo.​—Yeeshaya 65:21-23.

Takukekala maladi sunga makyenga a mishindo yooso.​—Yeeshaya 25:8; 33:24.

Muuwa na muloo wa looso pamune na kifuko kyetu na bakuku betu.​—Misambo 37:11, 29.

TWI BALOMBEENE KUKUMIINA AKYAMBA BIBLE SU?

Oolo, bwa ino myanda ibidi:

• Efile Mukulu e na bukome bwa kulombasha mulayilo waaye. Mu Bible abetanyina Yehowa bupenka bwaye bu “Sha bukome booso,” mwanda e na bukome bushi na nfundiilo. (Bifumbulwe 15:3) Byabya, e na bukome bwa kulombasha mulayilo waaye utale kulumbuula kwa nsenga. Anka bu abyamba Bible shi: “Bw’Efile Mukulu byooso mbilombeene kukitshika.”​—Mateo 19:26.

• Efile Mukulu ekala na muloo wa kukumbasha mulayilo waaye. Bu kileshesho, Yehowa ekala na “lukalo lukata” lwa kwalusha baaba booso bafwe ku muuwa.​—Yoobo 14:14, 15.

  Bible alesha dingi shi Yesu Mwan’Efile Mukulu baadi mubukye basha mikumbo. Bwakinyi baadi mukite byabya? Mwanda baadi mukumiine kwibikita. (Maako 1:40, 41) Yesu baadi muleshe ngikashi ya Nshaaye paaye kukumiina kukwasha bantu babaadi na lukalo lwa bukwashi.​—Yowano 14:9.

  Byabya twi balombeene kushinkamisha shi Yehowa na Yesu abakyebe kwitukwasha bwa kwikala na muloo mu mafuku e kumpala!​—Misambo 72:12-14; 145:16; 2 Mpyeele 3:9.