LUKONKO 10
Bible e kunkwasha naminyi?
BOODYA KUKITA KINYI?
Banda kupwadjikisha uno mwanda: David kwete kutambuka mwishinda dyashauku su nkapeela. Bitundwilo byamono abileesha’shi ta nyi mbalo yakimbanga kwenda nya. David bamono’shi bashimina. E na kya kwikala mwate eshinda dibubi ingi mbalo.
Su boodya kwikala David, boodya kukita kinyi?
BANDA KUNANGUSHENA!
We na bya kukita bibungi:
Kwipusha bwabadya nkuludika.
Kutala karte.
Kutungunuka na lwendo mukulupile’shi okapete eshinda dibuwa.
Eyendo’shi su bosangula mwanda wa 3 taukamba nkukwasha nya.
Kadi mwanda wa 2 wibuwa kukila wa kumpala. Mwanda we kwikala na karte koobe kalombeene nkuludika p’okwete kutambuka.
Bible e nkukwasha mu wawa mushindo umune!
Uno mukanda awiukiibwa bikata ngulombeene
nkukwasha bwa kupudisha myanda ya mu nshaleelo
nkukwasha bwa kuuka byoodi na nkwikwasha muntu ebuwa
nkuleesha byodya kwikala na nshaleelo mukile buwa
MYALUULO KU NKONKO IKATA YA MU NSHALELO
Kubanga nsaa yatubanga kwakula, atwiyipushaa ino nkonko.
ndifudiile kunyi?
Nyenyenyi ayendaa kunyi mu kaanya?
Kunyima kwa mafuku atubangaa kwiyipusha nkonko pabitale myanda ayitukwata.
myanda ibubi ayikitshikaa?
Bwakinyi bantu abafwiyaa?
Twi kwamba naminyi su twapeta myaluulo mu Bible ku ino nkonko yooso?
Bantu bebungi abakulaa’shi Bible mmuule na myanda ya mpwandjikishi na myeele, te na muulo dingi kano kabidi nya, sunga’shi e bukopo bukile bwa kumupusha. Binobino, Bible nyi e na mwanda su, mpushiisho a bantu pabitale Bible nyi e na mwanda? Su kii na mwanda nyi nkukutwa kwa kuuka bya binyibinyi?
Bu kileshesho, bantu abanangushena’shi Efile Mukulu nyi kwete kukunkusha nsenga. Kadi bi kwikala byabya naminyi? Aku namu tayikunkushibwa kalolo! Ngiuule na makyenga, mikumbo na lufu, bulanda na masaku. Mmushindo kinyi ulombeene kwikala Efile Mukulu e na kifulo kwikala nsulo a bino byoso?
Okumiina kupeta lwaluulo su? Akyamba Bible pabitale muntu kwete kukunkusha nsenga nkilombeene nkukaanyisha!
Nka bu biboopu kwibimona, malango e mu uno broshire ngemeene pa Bible. Batemwe ba Yehowa abashinkamisha’shi Bible nyi nsulo a buludiki bwibuwa. Mwanda bifundwe byooso babebifundjile “mu bukome bwa kikudi ky’Efile Mukulu. Abikwasha mu kulambukisha bya bînyibînyi bimutale, na mu kutunyisha ndabukisho ya madimi, na mu kuludika bilubilo.” (2 Timote 3:16, 17, EEM) Abitungu wekimbile obe nabeene nsaa bwa kutaluula uno mukanda wa kala,—kadi, wi na binangu abikwasha kano kabidi!