DILONGYESHA 1

Mbangilo ebuwa a mwisambo

Bikitshino 17:22

MU KIKOSO: Bi buwa mbangilo oobe a mwisambo, ape bantu muloo wa nkuteemesha, baukye mutwe wa mwanda, oleshe bwakinyi mwanda wesambila wi na muulo kwi benyi abakuteemesha.

BYA KUKITA:

Pa bantu malaka a nkuteemesha. Sangula lukonko, mwaku, mwanda ukitshikye, sunga mwanda upya aupa bantu malaka a nkuteemesha.

Kumpala kwa nsaa, otuule binangu byobe ku myanda itale bantu abakuteemesha na ayibasangasha na mbangilo oobe a mwisambo epushene nayo.
Uuka mutwe oobe wa mwanda kalolo. Kita bya shi mbangilo a mwisambo oobe apushishe mutwe wa mwanda na kepatshila ka mwisambo oobe kalolo kwi bantu abakuteemesha.
Lesha bwakinyi mutwe oobe wa mwanda wi na muulo. Kita bya shi, myanda ywakula ipushene na nkalo ya bantu abakuteemesha. Bapushe kalolo bilombene kwibakwasha mwisambo oobe.

Nsaa yolumbuula mwisambo, eyipushe shi, ‘Bakwetu balume na bakashi ba mu kakongye ketu bakwete kufumankana na myanda kinyi?’ Akupu olumbuule mbangilo oobe a mwisambo, bwa shi epushene na nkalo yaabo.