DILONGYESHA 14

Kutuusha myanda ikata patooka

Beena-Ebelu 8:1

MU KIKOSO: Kwasha bantu bwa shi balondeshe mwisambo oobe, na oleshe mushindo wipushene myanda ikata na kepatshila ka mwisambo mpa na mutwe wa mwanda wesambila.

BYA KUKITA:

Ikala na kitshibilo. Taluula su mwisambo oobe aukutekye bwa kuukisha bantu mwanda upya, dingi ebashinkamiishe, sunga kwibatakula mu kutumikila, byabya eukite muyile byabakutekye. Myanda ikata yoso i mwanka ikukwashe bwa kulombasha kepatshila koobe.

Eyipushe shi: ‘Bantu be kwikala na nkonko kinyi pabitale uno mwanda? Mmu kipaso kinyi mwabadi balombene kwela yaya nkonko?’ Akupu olongye myanda yobe muyile binangu byabo bwa shi bantu bakulonde kalolo, bateemeshe, na bakumiine yaya myanda yolongyesha.
Shimika kasele pa mutwe wa mwanda. Wekale oteemuna mutwe wa mwanda nsaa yokitshi mwisambo pa kwambuula bishima bikata bi mu mutwe wa mwanda sunga kwibyakula mu kingi kipaso.
Myanda ywesamba ikale ipelepele na ayipushika kalolo. Sangula penda myanda ikata itale mutwe wa mwanda, na yodya kulongyesha kalolo mu nsaa itshibibwe. Tshiba bungi bwa myanda ikata, lesha mwanda ukata oso kalolo, ikisha kumpala kwa kukila ku ungi, na okile kalolo ku mwanda na mwanda oso kushi lukalakashi.

We kutemuna myanda ikata ku mbangilo bwa kukwasha bantu bwa shi bakulondeshe, sunga shi we kwiyambuula mu mayi a nfudiilo bwa kwibakwasha bwabadya kwiyitentekyesha.