Kupela kutuelakana mu mianda ya pa nsenga akupushisha kinyi?

Yesu balongieshe balongi baye bua ‘kupela kutuelakana mu mianda ya pa nsenga.’ (Yowano 15:19) Bino abilesha kupela kutuelakana mu mianda ya pa nsenga bu kutuela mu mianda ya politike sunga kutuela mu ngoshi. Anka, t’abikalaa bibofule bua kupela kutuelakana mu mianda ya pa nsenga. Mbalombene kuitumona ku bisumanga pabitale uno muanda. Mbikunyi biatudi balombene kupela kutuelakana mu mianda ya pa nsenga na kushaala na lulamato kui’Efile Mukulu?

1. Bena Kidishitu ba binyibinyi abamonaa mbulamatadi ya bana ba bantu naminyi?

Bena Kidishitu ba binyibinyi abanemekaa mbulamatadi. Atulondaa bibakuile Yesu’shi “aluishayi Kezare bia Kezare” nkuamba’shi, atukokielaa miiya y’eumbo bu ino ayitekie bua kufuta bitadi bia mbulamatadi. (Maako 12:17) Bible alongiesha’shi mbulamatadi ya bantu ikuete kukunkusha muanda Yehowa nyi muibatadiile bua’shi bakunkushe. (Bena-Loma 13:1) Biabia atuuku’shi mbulamatadi ya bana ba bantu, tayi na matalua oso nya. Nyi buakinyi atukulupilaa Efile Mukulu eetu n’ashi Bufumu buaye bua muiyilu nyi abukapudisha nkalakashi yoso ya bana ba bantu.

2. Mbikunyi biatudi balombene kulesha’shi t’atutuelakanaa mu mianda ya pa nsenga?

Nka bu Yesu, t’atutuelakanaa mu mianda ya politike. Nsaa ibadi bantu bamone bilengieleshi bia Yesu, babatompele kumuikasha bu mfumu aabo pano pa nsenga, anka tabadi mukumine nya. (Yowano 6:15) Buakinyi Yesu bapelele? Mmuanda wa bibakuile kunyima’shi, “Bufumu buande, ta mbua pano pa nsenga nya.” (Yowano 18:36, EEM) Bu biatudi balongi ba Yesu, atupelaa kutuelakana mu mianda ya pa nsenga mu mishindo ibungi. Bu kileshesho, t’atutuelaa mu ngoshi. (Badika Mika 4:3.) Atunemekaa bitunduilo bia maumbo bu mabendela anka t’atuibilanguilaa. (1 Yowano 5:21) T’atuikalaa ku lupese lua kisaka kampanda kia politike sunga kuikishikua, mbiatush’atukuatshishenaa muina politike kampanda sunga kumushikua. Mu ino mishindo na ingi, atulesha’shi tui balamate nka ku mbulamatadi a Efile Mukulu sunga Bufumu buaye.

TUKIMBUULE BOSO

3. Bena Kidishitu ba binybinyi t’abatuelakanaa mu mianda ya pa nsenga

Yesu na balongi baye mbetulekiele kileshesho kia kulonda. Badika Bena-Loma 13:1, 5-7 na 1 Mpyeele 2:13, 14. Akupu, tala VIDEO nuisambile ino nkonko ayilondo.

VIDEO: Bena Kidishitu ba binyibinyi t’abatuelakanaa mu mianda ya pa nsenga​—Kipindi 1 (4:28)

• Buakinyi abitungu tunemekie mbulamatadi ya bana ba bantu?

• Mmu ingi mianda kinyi yatudi balombene kulesha’shi atuiyinemekaa?

Mu bipungo bia ngoshi, ingi miilo i kuamba’shi t’abatuelakanaa mu mianda ya pa nsenga, anka abakuatshishenaa biabia bisaka bia ngoshi. Kupela kutuelakana mu mianda ya pa nsenga akulesha binyibinyi kinyi? Badika Yowano 17:16. Akupu, tala VIDEO nuisambile luno lukonko alulondo.

VIDEO: Bena Kidishitu ba binyibinyi t’abatuelakanaa mu mianda ya pa nsenga​—Kipindi 2 (3:11)

• Kupela kutuelakana mu mianda ya pa nsenga akulesha kinyi?

Tui kukita kinyi su bena mbulamatadi abetutakula mu kukita muanda awipaa miya y’Efile Mukulu? Badika Bikitshino 5:28, 29. Akupu, tala VIDEO nuisambile ino nkonko ayilondo.

VIDEO: Bena Kidishitu ba binyibinyi t’abatuelakanaa mu mianda ya pa nsenga​—Kipindi 3 (1:18)

• Su kui kuikakena pankatshi pa miya ya bana ba bantu na miya y’Efile Mukulu, we kusangula bua kutumikila miya kinyi?

• We kunangushena ku mianda ikumbene kutakula bena Kidishitu bua kupela kutumikila miya ya mbulamatadi?

4. Totuelakananga mu mianda ya pa nsenga mu binangu sunga mu bikitshino

Badika 1 Yowano 5:21. Akupu, tala VIDEO nuisambile ino nkonko ayilondo.

VIDEO: Bwakinyi beena Kidishitu ba binyibinyi be na lukalo lwa kunying’eshimba​—Bwa kupela kutwelakana mu myanda ya politike (2:49)

• Muyile bibatumono mu video, buakinyi Ayenge badi muate kitshibilo kia kupela kutuela mu kisaka kia politike na kupela kutshibila ebendela mpala?

• Omono’shi batshile kitshibilo kibuwa su?

Ngingi mianda kinyi ilombene kuituikela bukopo bua kupela kutuelakana mu mianda ya pa nsenga? Tala VIDEO, akupu nuisambile ino nkonko ayilondo.

VIDEO: Malongiesha a mu Kitenta kia Mulami​—Ididila na kwilamuuna mu myanda ya uno ndumbulwilo mwitshibuule (5:16)

• Mbikunyi biatudi balombene kupela kutuelakana mu mianda ya pa nsenga nsaa y’atubandila apaasha bantu ba mu bibundi bilekene maasha?

• Mbikunyi biatudi balombene kupela kutuelakana mu mianda ya pa nsenga su bitshibilo bia bena politike bi na bukitshishi kuatudi?

• Mianda y’atutala ku Internete, ku Televizio sunga ba kuuku betu bi kuikala na bukitshishi kinyi ku kitshibilo kietu kia kupela kutuelakana mu mianda ya pa nsenga?

MU KIKOSO

Bena Kidishitu abetatshishaa bua kupela kutuelakana mu mianda ya politike mu binangu, mu ngakuilo na mu bikishino.

Kuambuula

• Buakinyi abitungu tunemekie mbulamatadi ya bana ba bantu?

• Buakinyi abitungu tupele kutuelakana mu mianda ya politike?

• Mmianda kinyi ikumbene kutompa kitshibilo kietu kia kupela kutuelakana mu mianda ya pa nsenga?

TALUULA DINGI

Abitungu tuisumine ingi miloo kinyi bua kupela kutuelakana mu mianda ya pa nsenga?

Yehowa ta muitulekiele (3:14)

Bifuko mbilombene kukita kinyi bua kuilumbuula kumpala ku mianda ikumbene kutompa kitshibilo kiabo kia kupela kutuelakana mu mianda ya pa nsenga?

Tungunuka na kwilamuuna mu myanda ya bipikwa bya pa nsenga (4:25)

Buakinyi muntu p’akaluila eumbo diaye, t’abimupa kinemo kukila bangi?

“Bioso bi kukitshika ku bukuashi bu’Efile Mukulu” (5:19)

Tala biodi mulombene kupela kutuelakana mu mianda ya pa nsenga nsaa y’osangula mudimo odia kukita.

“Muntu oso aketuadila bushito buaye” (Kitenta kia Mulami, 15/3/2006)