BIA KUBANGA MUISAMBO
DILONGIESHA 6
Totshinanga
Eyi dia kulonda: “Tubaadi bashale banyingie ku bukuashi bu’Efile Mukulu eetu bua kuinulungula mukandu wibuwa.”—1 Te. 2:2.
Kibaadi Yesu mukite
1. Tala VIDEO, sunga kubadika Luka 19:1-7. Akupu waluule ino nkonko:
Buakinyi bangi bantu abaadi abasuuku Zakayi?
Sunga mbiabia, nkinyi kibatakuile Yesu bua kumulungula mukandu wibuwa?
Nkinyi ki’atulongiela kui Yesu?
2. Totadilanga moo ukuimikie mu kulungula mukandu wa Bufumu kui muntu oso.
Ambula Yesu
3. Kulupila kui Yehowa. Kikudi ki’Efile Mukulu kibaadi kipe Yesu bukome bua kulungula mukandu wibuwa, nkilombene nkupa nobe bukome bua kuibikita. (Mat. 10:19, 20; Luk. 4:18) Teka Yehowa eshimba dinyingie bua’shi olungule mukandu wibuwa kui baba boso abamueka bu abatshinyisha.—Bik. 4:29.
4. Tuekalanga na mueneno ebubi pabitale bantu. Tui balombene kuikoka bua kuisamba na bangi pa muanda wa bi’abamueneka, bupeta buabadi nabo, nshalelo abo, sunga kipuilo kiabo. Anka tentekiesha’shi:
Yehowa na Yesu nyi balombene kumona muishimba; ta natue nya.
Takui muntu abashi balombene kukuasha kui Yehowa.
5. Totshinanga, kadi wekale na kanemo na budimu. (Mat. 10:16) Tuekakenanga na muntu. Na kanemo koso, imika muisambo su muntu takumiina kupusha mukandu wetu, na su wepusha’shi tue mu kukaluilua.—Nki. 17:14.